Vazir o‘rinbosari Qozog‘istonga elchi etib tayinlandi

TOShKENT, 10 mar — Sputnik. O‘zbekistonning Ostonadagi diplomatik missiyasiga yangi rahbar etib Saidikrom Niyozxo‘jayev tayinlandi, deb xabar qilmoqda TIV matbuot xizmati.

Xabarda aytilishiga ko‘ra Niyozxo‘jayev 10-mart kuni Ostonaga jo‘nab ketgan.

Saidikrom Niyozxo‘jayev kasbi bo‘yicha — quruvchi-muhandis. Niyozxo‘jayev Tashqi ishlar vazirligiga kelguniga qadar O‘zbekiston prezidenti apparatida, O‘zbekiston Hukumatining yuqori lavzimlarda, jumladan, davlat maslahatchisi o‘rinbosari, Iqtisodiyot vaziri o‘rinbosari lavozimlarda ishlab kelgan.

Eslatib o‘tamiz, o‘tgan yilning oxirida Oliy Majlis palatalariga qilgan murojaatida Shavkat Mirziyoyev O‘zbekistonning chet eldagi ayrim elchilari faoliyatini keskin tanqid qilgan va mamlakatga turistlar va sarmoyalarni jalb qilishni uddalay olmagan elchilar — bizga kerak emas degan edi.