O‘zbekistonda serjantlar maktablari faoliyati yakunlandi

TOShKENT, 13 mar – Sputnik. Mudofaa vazirligi tizimidagi serjantlar tayyorlash maktablari o‘z faoliyatini to‘xtatdi, deb xabar bermoqda vazirlik matbuot xizmati.

Prezident Shavkat Mirziyoyev tashabbusi bilan bundan buyon serjantlar tarkibi Samarqand Oliy harbiy avtomobil qo‘mondonlik-muhandislik bilim yurti o‘rnida tashkil etilgan Kichik mutaxassislarni tayyorlash markazida tayyorlanadi.

Mazkur ta’lim muassasasida 11 yo‘nalishbo‘yicha: muhandislik, avtomobil xizmati, radiatsion, kimoviy va biologik himoya, aloqa, frontorti ta’minoti,

zirhli texnikalarga xizmat ko‘rsatish, artilleriya va quruqlikdagi qo‘shinlarning havo hujumidan mudofaa bo‘linmalari, radioelektron razvedka kabi yo‘nalishlar bo‘yicha 6 oy davomida kichik mutaxassislar tayyorlanadi. Ta’lim yakunida harbiy xizmatchilarga kichik serjant unvoni beriladi.

Markazning 3 oylik qayta tayyorlov o‘quv kurslarini muvaffaqiyatli tamomlagan harbiy xizmatchilarga esa serjant va katta serjant unvonlari beriladi.

Oldin O‘zbekistonda serjantlar maktablari 2001-yilda tashkil etilgan bo‘lib, u yerda muddatli harbiy xizmatni o‘tagan askarlar  3 va 9 oylik o‘quv kurslaridan so‘ng serjantlar tarkibiga o‘tkazilaredi. Serjantlar maktablari 26 yo‘nalish bo‘yicha mutaxassis va kichik komandirlarni tayyorlanar edi.