Jamiyat

Oʻzbekistonda mehnat migrantlarini avtobusda tashish boʻyicha kompaniya tuzildi

© Sputnik / Ruslan KrivobokMejdugorodniye avtobusы
Mejdugorodniye avtobusы - Sputnik Oʻzbekiston
Hozirgi vaqtda avtobuslarda videokuzatuv tizimini taʼminlash masalalari hal qilinmoqda.

TOSHKENT, 14 mar — Sputnik. Oʻzbekistonda mehnat migrantlarini xalqaro avtobusda tashishni tashkil etish boʻyicha maxsus kompaniya tuzildi, deb xabar qildi Sputnik muxbiri.

Reysovыe avtobusы - Sputnik Oʻzbekiston
Jamiyat
Oʻzbekiston va Rossiya tez orada Toshkent — Novgorod avtobus qatnovini yoʻlga qoʻyadi

Kompaniyaning taʼsischilari avtomobil transporti agentligi (51%) va Milliy bank (49%) boʻlishdi.

"Yangi kompaniya uchun xalqaro yoʻlovchilar tashish boʻyicha barcha talablarga javob beradigan avtobuslar xarid qilinadi. Hozirgi vaqtda Xitoy, Janubiy Koreya va Germaniya kompaniyalar bilan muzokaralar olib bormoqdamiz. Birinchi navbatda 100 avtobus xarid qilish rejalashtirilgan. Keyinchalik talabdan kelib chiqqan holda avtobus parki koʻpaytiriladi", — deb taʼkidladi agentlik boshligʻi oʻrinbosari Shoolim Shavaxabov.

Texnik uskunalar parkini yanada kengaytirish maqsadida moliyalashtirish davlat kafolati ostida xorijiy banklarning kreditlari hisobidan amalga oshirish koʻzda tutilgan. Bundan tashqari, kompaniya Milliy bankdan 20 million dollarlik imtiyozli kredit oladi.

Hozirgi vaqtda avtobuslarda videokuzatuv tizimini taʼminlash masalalari hal qilinmoqda. Shuningdek, avtobuslar avtovokzallarda sinchkovlik bilan texnik koʻrikdan oʻtkaziladi.

Bundan avval prezident Shavkat Mirziyoyev xalqaro avtobus qatnovlarini yoʻlga qoʻyish zarurligi haqida gapirib oʻtgandi. Maʼlum boʻlishicha, Rossiya va Qozogʻistonga mehnat qilish maqsadida yoʻlga chiqayotgan fuqarolar yoʻl kira arzonligi uchun avtobusda borishni maʼqul koʻrishadi.

Ular tekshiruvdan oʻtmagan eski texnikadan foydalanuvchi xususiy va noqonuniy tashuvchilarga murojaat qilishlari oqibatida turli noxush hodisalar yuz bermoqda. Yaqinda Oqtoʻba viloyatida Rossiyaga ketayotgan avtobus yonib ketishi oqibatida uning ichida boʻlgan 52 oʻzbekistonlik fuqaro halok boʻlgandi.

Yaqin oylar ichida Toshkent — Nijniy Novgorod yoʻnalishi boʻyicha birinchi xalqaro avtobus qatnovini yoʻlga qoʻyiladi. Birinchi bosqichda ushbu yoʻnalish boʻyicha avtobuslar harakatini Rossiya tomoni taʼminlaydi. Hozirda Oʻzbekiston avtomobil transporti agentligi Rossiyaning barcha manfaatdor tashuvchi va mutasaddi organlari bilan muzokaralar olib bormoqda.

Yangiliklar lentasi
0
Avval yangilariAvval eskilari
loader