Majburiy tartib: o‘z joniga qasd qilganlar haqida psixiatriya muassasalariga xabar beriladi

Obuna bo‘lish
O‘zbekiston hukumati qator vazirliklarga aholi o‘rtasida o‘z joniga qasd qilish holatlarining oldini olish masalalarini o‘rganishni va O‘zbekiston Respublikasi Sog‘liqni saqlash vazirligi hay’at majlislarida bu holatlarni muhokama qilib borishni topshirdi

TOShKENT, 19 mar — Sputnik. 2018-yil 1-apreldan boshlab ichki ishlar organlari o‘z joniga qasd qilingan har bir holat to‘g‘risida psixiatriya xizmati muassasalariga zudlik bilan xabar beradi. Bu haqda O‘zbekiston prezidenti Shavkat Mirziyoyev tomonidan 16-mart kuni imzolangan "Psixiatriya yordami ko‘rsatish tizimini tubdan takomillashtirish to‘g‘risida"gi yangi qarorida aytib o‘tilgan.

Noj v ruke - Sputnik O‘zbekiston
Toshkent shahrida ruhiy xasta ayol talaba yigitni pichoqladi
"Sog‘liqni saqlash vazirligi Ichki ishlar vazirligi, Bosh prokuratura va boshqa manfaatdor idoralar bilan birgalikda 2018-yil 1-mayga qadar bo‘lgan muddatda psixiatriya muassasalarini o‘z joniga qasd qilish harakatlari to‘g‘risida majburiy ravishda xabardor etish tartibini ishlab chiqib, tasdiqlasin, shuningdek, aholi o‘rtasida o‘z joniga qasd qilish holatlarining oldini olish masalalarini o‘rgansin va O‘zbekiston Respublikasi Sog‘liqni saqlash vazirligi hay’at majlislarida muhokama qilib borsin", — deyiladi hujjatda.

Shuningdek, 2018-yil 1-maydan boshlab xususiy tibbiyot tashkilotlariga ruhiy holat buzilishini va xulq-atvor buzilishini tashxis qilish va davolash bo‘yicha aholiga ayrim xizmatlar ko‘rsatishga ruxsat berildi.

O‘zbekiston Respublikasi Sog‘liqni saqlash vazirligi O‘zbekiston xususiy amaliyot vrachlari uyushmasi bilan birgalikda bir oy muddatda ruhiy holati buzilishini va xulq-atvor buzilishini tashxis qilish va davolash bo‘yicha xususiy tibbiyot tashkilotlari tomonidan ko‘rsatiladigan xizmatlar ro‘yxatini tasdiqlashi kerak bo‘ladi.

Shavkat Mirziyoyev - Sputnik O‘zbekiston
Mirziyoyev Toshkent shahar ruhiy kasalliklar klinik shifoxonasini borib ko‘rdi
2018/2019 o‘quv yilidan boshlab Toshkent vrachlar malakasini oshirish instituti, Samarqand davlat tibbiyot instituti va Andijon davlat tibbiyot institutlarida bazaviy tibbiyot ma’lumotiga ega bo‘lgan vrachlar uchun ularning o‘rtacha oylik ish haqini saqlagan va xizmat safari xarajatlarini qoplagan holda "psixiatriya" va "suitsidologiya" yo‘nalishlarida ixtisoslashuv kurslarini tashkil qilinishi belgilandi.

Toshkent vrachlar malakasini oshirish instituti, Toshkent tibbiyot akademiyasi, Toshkent pediatriya tibbiyot instituti, Toshkent tibbiyot akademiyasining Urganch filiali, Toshkent pediatriya tibbiyot instituti Nukus filiali, Andijon davlat tibbiyot instituti va Samarqand davlat tibbiyot institutida "psixiatriya" yo‘nalishi bo‘yicha klinik ordinaturada o‘qish uchun o‘rinlar sonini 10 nafargacha oshiriladi.

Yangiliklar lentasi
0