TOShKENT, 20 mar — Sputnik. Oqo‘rda matbuot xizmati Qozog‘istonda O‘zbekiston yili ochilishi munosabati bilan Shavkat Mirziyoyev va Nursulton Nazarboyevlar uchrashuvi aks etgan videolavhani joylashtirdi.
Rolikda ikki davlat rahbarlarining keyingi bir yarim yil davomidagi uchrashuvlarining eng yorqin lahzalari aks etgan, deb yozadi Sputnik Qozog‘iston.
Qozog‘istonda O‘zbekiston yili 15-mart kuni Mirziyoyevning rasmiy tashrifi davomida ochildi.
O‘zbekiston rahbari o‘z nutqida yaxshilik va ahillikning timsoli bo‘lgan xalqlar do‘stligini, ajdodlar merosini asrash va rivojlantirish zarurligini ta’kidladi.
Nursulton Nazarboyev Ostona va Toshkent savdo-iqtisodiy va investitsion hamkorlikni muvaffaqiyatli rivojlantirayotgani va muhim xalqaro va mintaqaviy masalalarni hal qilish borasida yakdil nuqtayi nazarga ega ekanligini qayd etdi.
