Janubiy vokzalga qaysi yoʻnalishdagi poyezdlar kelib toʻxtashi maʼlum qilindi

TOSHKENT, 2 apr — Sputnik. "Oʻzbekiston temir yoʻllari" Toshkent Janubiy vokzalidan qaysi poyezdlar joʻnatilishi va kutib olinishi haqida xabar berdi, deb yozadi "Zarafshon" nashri.

Toshkent Janubiy vokzali oʻz ishini joriy yilning 4 aprelidan boshlaydi. Maʼlumotlarga koʻra, vokzal bir vaqtning oʻzida 500 yoʻlovchiga xizmat koʻrsatish quvvatiga ega boʻlib, bir kecha kunduzda 20 000 nafar yoʻlovchilar 19 poyezdlarda kutib olinadi va kuzatiladi.

Demak, Toshkent Janubiy vokzalidan quyidagi yoʻnalishlar boʻyicha poyezdlar joʻnatiladi va kutib olinadi:

Toshkent — Urganch; Toshkent — Buxoro; Toshkent — Andijon; Toshkent — Qoʻngʻirod; Toshkent — Termiz; Toshkent — Sariosiyo; Andijon — Buxoro; 

Andijon — Urganch; Andijon — Termiz; Toshkent — Buxoro (sharq); Toshkent — Termiz (Nasaf); Toshkent — Andijon (O`zbekiston)

Shaharlararo qatnovchi yoʻlovchi poyezdlar:

Toshkent — Xodjikent; Toshkent — Xovos; Toshkent — Bekobod; Toshkent — Sirdaryo; Toshkent — Guliston

Toshkent Janubiy vokzali Oʻzbekiston Respublikasi Vazirlar Mahkamasining tegishli qaroriga muvofiq zamonaviy arxitektura talablari asosida tubdan rekostruktsiya qilindi. Vokzalning umumiy maydoni 9,2 gektar boʻlib, 650 metrlik 3 ta perronga ega.