Dunyoda

Jazoirda Il-76 samolyoti halokatga uchradi

© Sputnik / Ilya Pitalev / Fotobankka oʻtishSamolet voyenno-transportnoy aviatsii Rossii
Samolet voyenno-transportnoy aviatsii Rossii - Sputnik Oʻzbekiston
Halokatda 105 kishi qurbon boʻlgan. Samolyotning halokatga uchrashi sabablari haqida hozircha hech qanday aniq maʼlumot yoʻq.

TOSHKENT, 11 apr — Sputnik. Jazoirda Il-76 harbiy samolyoti qulashi oqibatida 105 kishi qurbon boʻldi, deb xabar qilmoqda, En-Nahar mahalliy telekanal.

Fojea mahalliy vaqt bilan soat 10:00 larda sodir boʻlgan. Bortida faqat harbiylar boʻlgan samolyot havoga koʻtarilganidan soʻng bir necha daqiqa oʻtib qulab tushgan. Halokatda hech kim tirik qolmagan. Samolyot halokatga uchrashi sabablari oʻrganilmoqda. Bu borada hozircha hech qanday aniq maʼlumot yoʻq.

"Bufarikda samolyot halokatida 105 kishi qurbon boʻldi, ulardan 26 nafari Polisario (Gʻarbiy Saxara ozodlik harakati) vakillari edi", — deyilgan telekanal xabarda.

Eslatib oʻtamiz, Il-76 Toshkent aviatsiya zavodining asosiy mahsuloti hisoblangan. 1971-2012 yillar davomida Toshkent aviatsiya zavodida 900dan ortiq Il-76 samolyotlari ishlab chiqarilgan. 2012 yilda ishlab chiqarish Ulyanovskka koʻchirilgan.

Samolet Il-114-100 - Sputnik Oʻzbekiston
Iqtisod
Rossiya Toshkentdagi aviatsiya zavodini qayta ishga tushirish imkoniyatini oʻrganmoqda

Il-76 samolyoti — Rossiya, Hindiston, Eron, Xitoy, Qozogʻiston, Ukraina, Suriya, Jazoir va Oʻzbekiston Harbiy kuchlarining asosiy harbiy-transport samolyoti hisoblanadi. Ushbu samolyotdan desant tashlash, havoda yonilgʻi quyuvchi mashina, radiorazvedka va boshqa koʻplab maqsadlarda foydalaniladi. Samolyot oʻrtacha narxi 30 mln dollar, oʻrtacha foydalanish muddati — 30 yil.

Turli manbaalarda aytilishiga koʻra, oʻtgan yillar davomida 948 ta Il-76 samolyoti ishlab chiqarilgan. Ushbu kunga qadar ulardan 52 tasi halokatga uchragan va 24 tasi janglarda yoʻqotilgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala