Jamiyat

Thales Alenia Space Oʻzbekistonga oʻz sunʼiy yoʻldoshini uchirishda yordam beradi

© Foto : NASAVid na vosxod solntsa s borta MKS
Vid na vosxod solntsa s borta MKS - Sputnik Oʻzbekiston
Oʻzbekiston hududida sunʼiy yoʻldoshlarni boshqarish va bu sohada mutaxassislarni oʻqitish boʻyicha texnologik baza tashkil qilinadi.

TOSHKENT, 16 apr — Sputnik. Yevropa Thales Alenia Space kompaniyasi Oʻzbekiston bilan sunʼiy yoʻldoshlar va ularning uskunalarini ishlab chiqarish sohasida hamkorlik qilishni rejalashtirmoqda.

UK Spy Agencies Claim Legal Right to Broad Hacking of Computers and Phones - Sputnik Oʻzbekiston
Jamiyat
Oʻzbekiston va Jahon banki hamkorlikda internet va raqamli texnologiyalarni rivojlantiradi

"Thales Alenia Space bilan sunʼiy yoʻldoshlar va ularning uskunalarini ishlab chiqish sohasida hamkorlikni yoʻlga qoʻyish masalasi muhokama qilindi", — RIA Novostiga hukumatdagi manbaa maʼlum qildi.

Maʼlum boʻlishicha, kompleks kosmik tizimlar boʻyicha loyihalarni birgalikda amalga oshirish, xususan, turli maqsaddagi sunʼiy yoʻldoshlarni uchirish va boshqarish, shuningdek mutaxassislarni tayyorlash uchun Oʻzbekiston hududida texnologik bazani tashkil etish rejalashtirilgan.

"Hozirgi vaqtda muhokamalar dastlabki bosqichda", — deb taʼkidladi manbaa.

Bundan tashqari, kosmik texnologiyalardan foydalangan holda Oʻzbekistonni yuqori tezlikdagi Internet tarmogʻiga ulash uchun infratuzilmani rivojlantirish boʻyicha innovatsion loyihalarni birgalikda amalga oshirish taklif etilmoqda.

Oʻzbekiston prezidenti Shavkat Mirziyoyev fevral oyida bosh vazir oʻrinbosari Suxrob Xolmurodov boshchiligida kosmik tadqiqotlarni va texnologiyalarni rivojlantirish boʻyicha takliflarni tayyorlash boʻyicha ishchi guruhni tuzish toʻgʻrisida farmoyish imzolagandi.

Shavkat Mirziyoyev bu komissiyaga milliy sunʼiy yoʻldosh aloqa boʻyicha milliy tarmogʻini yaratish boʻyicha takliflar tayyorlash, kosmonavtika yutuqlarini tatbiq etish, kosmik va sunʼiy yoʻldosh texnologiyalar sohalari boʻyicha kadrlarni tayyorlash haqida topshiriqlar bergandi.

Vыshki sotovoy svyazi - Sputnik Oʻzbekiston
Jamiyat
Uyali aloqa operatorlari orasida chastotalar teng taqsimlandi

Shavkat Mirziyoyev dekabr oyi yakunida Oliy Majlis murojaatnomasida, oxirgi yillarda Oʻzbekistonda aerokosmiy texnologiyalar davlatning iqtisodiy muhim tarmoqlariga tatbiq etilishiga yetarli eʼtibor qaratilmaganligini alohida taʼkidlab oʻtgandi.

Oʻzbekiston rahbari milliy kosmik infratuzilmalarni yaratish boʻyicha loyihalarga xorijiy investorlarni jalb qilish zarurligi haqida koʻrsatib oʻtgandi.

2018 yil uchun davlat dasturi doirasida tegishli vazirlik va idoralarga shu yil yakuniga qadar 2018-2035 yillarda aerokosmik sanoatni shakllashtirish boʻyicha strategiyani ishlab chiqish toʻgʻrisida topshiriq berdi.

Strategiyada aerokosmik faoliyat boʻyicha davlat idorasini tuzishni nazarda tutilgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala