IIV o‘quv yurtlarini bitirganlar 5-yil ishlab beradi yoki o‘qish pulini to‘laydi

© akadmvdAkademiya MVD
Akademiya MVD - Sputnik O‘zbekiston
Obuna bo‘lish
Ichki ishlar ta’lim muassasalarida o‘qigan talabalar vazirlik yo‘llanmasiga ko‘ra 5-yil ishlab berishi yoki o‘qish xarajatlarini qoplashi kerak bo‘ladi.

TOShKENT, 18 apr – Sputnik.  Ichki ishlar ta’lim muassasalarida o‘qigan talabalar 5-yil ishlab berishi yoki o‘qish xarajatlarini majburiy qoplash tartibi belgilandi.

Pustoe kreslo - Sputnik O‘zbekiston
O‘zbekiston Ichki ishlar vazirligida jiddiy tayinlovlar amalga oshirildi

O‘zbekiston Ichki ishlar hamda Moliya vazirliklari tomonidan ishlab chiqilgan Nizomga ko‘ra, bundan buyon Ichki ishlar  vazirligining o‘quv muassasalarida o‘qigan yoki vazirlik tomonidan xorijiy muassasalarga o‘qishga yuborilgan bitiruvchilar, o‘qishni tugatganidan keyin 5-yil davomida, vazirlik yo‘llanmasiga binoan, davlat idoralarida majburiy uzuluksiz xizmat ko‘rsatishlari kerak bo‘ladi.

Ushbu shart bajarilmagan hollarda bitiruvchilar o‘qish xarajatlarini to‘liq ravishda qoplashlari shart bo‘ladi. Bu haqida talabalar bilan o‘qish jarayonining boshida maxsus shartnoma imzolanadi va ularning ota-onalari ogohlantiriladi.

O‘qish uchun undiriladigan to‘lovda quyidagi xarajatlar hisobga olinadi: o‘qituvchilar ish haqi, stipendiya,  kiyim-kechak, oziq-ovqat  ta’minoti, amaliy mashg‘ulotlar va yo‘l xarajatlari.

Ushbu Nizom qabul  qilingan kunidan boshlab kuchga kirdi. Nizomning to‘liq matni bilan batafsil quyida tanishishingiz mumkin.

Yangiliklar lentasi
0