Ahmadjon Meliboyev: Aytmatov asarlari O‘zbekistonda qirg‘iz tiliga munosabatni o‘zgartirdi

© Sputnik / Ramiz BaxtiyarovAxmadjon Meliboyev prinimayet pamatnie podarki - knigi ot rektora instituta vostokovedeniya A. Mannonova
Axmadjon Meliboyev prinimayet pamatnie podarki - knigi ot rektora instituta vostokovedeniya A. Mannonova - Sputnik O‘zbekiston
Obuna bo‘lish
"Chingiz Aytmatov qirg‘izistonlik yozuvchi bo‘lsa, uning qahramonlari qirg‘izlar bo‘lsa, voqealar Qirg‘izistonda kechgan bo‘lsa, ularda sof milliy tuyg‘ular aks etgan bo‘lsa, nima uchun u Afrikada, Yevropada, Amerikada o‘qilyapti?", - degan savolga javob berar ekan, olim Chingiz Aytmatov fenomenining ikkita asosini sanab o‘tdi

TOShKENT, 2-may — Sputnik, Dilshoda Rahmatova. Chingiz Aytmatovni ijodi bois, O‘zbekistonda qirg‘iz tiliga munosabat o‘zgardi, qiziqish ortdi, dedi 2-aprel kuni Toshkent davlat sharqshunoslik institutida o‘tkazilgan tadbirda O‘zMU qoshidagi Chingiz Aytmatov nomidagi markaz rahbari Ahmadjon Meliboyev.

Aytmatovshunos olim "Chingiz Aytmatov adabiy merosini o‘rganish" mavzusida nutq so‘zladi.

Chingiz Aytmatov - Sputnik O‘zbekiston
Toshkent davlat Sharqshunoslik institutida Aytmatov xotirasiga bag‘ishlangan tadbir o‘tkazildi
"Olimning umri — o‘lchovsiz bo‘ladi. U — yillar sanog‘iga sig‘maydi. Bir odam 20-yil yashab, ikki yuz yillik ish qilish mumkin, bir odam 100ga chiqib, bir so‘mlik ham ish qilmasligi mumkin. Shuning uchun ham, ijodkor ziyolilarga, ulug‘ allomalarga baho berganda, ulardan xalqiga, millatiga, vataniga qanday meros qoldi va u meros nimaga xizmat qiladi, bunyodkorlikkami yoki boshqa ishlargami, mana shu savol ko‘riladi", — dedi Meliboyev va Chingiz Aytmatovning ijodi ham, uning qoldirgan merosi ham hech qachon bitta millat, bitta zamin, bitta joyga sig‘masligini, adib merosidan butun dunyo bahramand bo‘layotganini qo‘shimcha qildi.

Chingiz Aytmatov qirg‘izistonlik yozuvchi bo‘lsa, uning qahramonlari qirg‘izlar bo‘lsa, voqealar Qirg‘izistonda kechgan bo‘lsa, ularda sof milliy tuyg‘ular aks etgan bo‘lsa, nima uchun u Afrikada, Yevropada, Amerikada o‘qilyapti, degan savolga javob berar ekan, olim Chingiz Aytmatov fenomenining ikkita asosini sanab o‘tdi.

"Chingiz Aytmatov fenomenining asoslaridan biri shundaki, u bitta millat, bitta makonni emas, umuminsoniy muammolarni ko‘tarib chiqqan. Hammaga daxldor masalalarni olib chiqqanligi uchun ham mana shunday muvaffaqiyat qozondi. Ikkinchidan, Chingiz Aytmatov voqea hodisalar rivojini boshqa tengdoshlari, ustozlaridan farqli o‘laroq, o‘ttiz-qirq yil oldin ko‘ra bilgan", — dedi ekspert.

Yangiliklar lentasi
0