Jamiyat

Prezident Namangandagi davlat xizmatlari markazi faoliyati bilan tanishdi

© Press-slujba prezidenta UzbekistanaShavkat Mirziyoyev oznakomilsya s deyatelnost Namanganskogo gorodskogo tsentra gosudarstvennыx uslug
Shavkat Mirziyoyev oznakomilsya s deyatelnost Namanganskogo gorodskogo tsentra gosudarstvennыx uslug - Sputnik Oʻzbekiston
Namangan shahar davlat xizmatlari markazida kuniga 800 dan ortiq shaxsga 60 ga yaqin xizmat koʻrsatish imkoniyati yaratilgan.

TOSHKENT, 3 may — Sputnik. Oʻzbekiston prezidenti Shavkat Mirziyoyev Namangan shahar davlat xizmatlari markazi faoliyati bilan tanishdi. Bu haqda prezident matbuot xizmati xabar berdi.

Markazda kuniga 800 dan ortiq shaxsga 60 ga yaqin xizmat koʻrsatish imkoniyati yaratilgan. Bu yerda Xalq qabulxonasi, notarius, FHDYO, pasport boʻlimlari, sugʻurta, kadastr, haydovchilik guvohnomasini almashtirish, tez tibbiy yordam xizmatlari, bank shoxobchasi joylashgan.

Keluvchilar uchun tibbiyot xonasi, bolalar maydonchasi, oshxona tashkil etilgan.

© Press-slujba prezidenta UzbekistanaNamanganskiy gorodskoy tsentr gosudarstvennыx uslug
Namanganskiy gorodskoy tsentr gosudarstvennыx uslug  - Sputnik Oʻzbekiston
Namanganskiy gorodskoy tsentr gosudarstvennыx uslug

Prezident markazdagi sharoitlar bilan tanishdi. Aholi va tadbirkorlarga koʻrsatiladigan xizmatlar turlari, sifati va tezkorligi bilan qiziqdi. Haydovchilik guvohnomasini almashtirish jarayonini koʻzdan kechirdi.

Muassasa xodimlari bilan muloqotda xizmat turlarini yanada koʻpaytirish, aholining internet xizmatlaridan foydalanish darajasini oshirish zarurligi taʼkidlandi.

“Bu tizimdan eng katta maqsad — odamlarning ogʻirini yengil qilish. Hamma hududlarni va xizmatlarni shu tizimga qamrab olsak, sarsonchilik, adolatsizlik, korruptsiya boʻlmaydi”, — dedi Shavkat Mirziyoyev.

Davlat rahbari ushbu markaz binosida joylashgan “Oila” ilmiy-amaliy tadqiqot markazi viloyat boʻlimi hamda Namangan innovatsiya markazi faoliyati bilan ham tanishdi.

Eslatib oʻtamiz, prezidentning 2017 yil 12 dekabrdagi “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida”gi farmoniga muvofiq Adliya vazirligi huzurida Davlat xizmatlari agentligi, shahar va tumanlarda uning markazlari tashkil etildi. Oldingi “yagona darcha” markazlari faqat tadbirkorlarga xizmat koʻrsatgan boʻlsa, davlat xizmatlari markazlari  jismoniy va yuridik shaxslarga ham xizmat koʻrsatmoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala