TOShKENT, 4-may — Sputnik. Rossiya prezidenti Vladimir Putinning inauguratsiyasi marosimiga taklif etilgan mehmonlarga Kreml Spasskaya minorasi tasviri tushirilgan va "Moskva. Kreml. 2018-yil 7-may" deb yozilgan esdalik kumush medali taqdim etiladi.
RIA Novosti xabariga ko‘ra, medalning orqa tomonida ikki boshli burgut tasvirlangan va "V.V.Putinning Rossiya prezidenti vazifasiga kirishishi" deb yozilgan bo‘ladi. Taklifnoma bilan birgalikda mehmonlarga yog‘ochdan yasalgan, ichi baxmalli quticha taqdim etiladi. Qutichada esdalik medali joylashtirilgan bo‘ladi.
Shuningdek, inauguratsiya dress-kodi ham ma’lum bo‘ldi: bu to‘q rangdagi kostum va oddiy uzunlikka ega ko‘ylak.
Qayd etilishicha, Putinning inauguratsiyasiga taklif etilganlar orasida Rossiyaning birinchi prezidenti bevasi Naina Yelsina ham bor.
Rossiya prezidentining o‘z lavozimiga tantanali kirishishi marosimi 7-may kuni Kremlda bo‘lib o‘tadi.
