TOShKENT, 10-may — Sputnik. Toshkent shahar hokimligi "Olmazor kichik sanoat zonasi" AJning 84,02% aksiyasini sotib oldi. Bu haqda nuz.uz xabar bermoqda.
Maydoni 82 ming kvadrat metr bo‘lgan sanoat zonasi "Oniks" aksiyadorlik jamiyatining ishlab chiqarish maydonlari va yer uchastkalari negizida tashkil etilgan.
Avvalroq O‘zbekiston prezidentining qaroriga muvofiq, Chilonzor, Uchtepa, Bektemir, Yashnobod va Mirzo Ulug‘bek tumanlarida sanoat zonalari tashkil etilgandi.
Sanoat zonalarida ishlab chiqaruvchilarga turli ishlab chiqarish va savdo maydonlari 10-yil muddatga imtiyozli ijara shartlari asosida beriladi.
Jahongir Ortiqxo‘jayev aprel oyi oxirida Rahmonbek Usmonov o‘rniga Toshkent shahri hokimi etib tayinlandi. Yangi hokim ish boshlaganining dastlabki ikki haftasi ichida general Sobir Rahimov haykali, "Xalqlar do‘stligi" yodgorligini avvalgi joyiga qaytarishga va poytaxtda daraxtlar ayovsiz kesilishiga chek qo‘yishga ulgurdi.
