Jamiyat

Oʻzbekiston va Qozogʻiston IIVlari hamkorlikni yanada mustahkamlashga kelishib oldi

© Sputnik / Ramil SitdikovRukopojatiye
Rukopojatiye - Sputnik Oʻzbekiston
Samarqand shahrida Oʻzbekiston ichki ishlar vaziri, general-mayor P. Bobojonov va Qozogʻiston ichki ishlar vaziri, politsiya general-polkovnigi K. Qosimov boshchiligidagi har ikkala mamlakat IIV delegatsiyalarining uchrashuvi boʻlib oʻtdi.

TOSHKENT, 12 may — Sputnik. Oʻzbekiston va Qozogʻiston Ichki ishlar vazirliklari muvofiqlashtiruvchi guruhni tuzish toʻgʻrisida qoʻshma buyruq imzoladilar. Bu haqda Oʻzbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qildi.

Xabarda aytilishicha, Samarqand shahrida Oʻzbekiston ichki ishlar vaziri, general-mayor P. Bobojonov va Qozogʻiston ichki ishlar vaziri, politsiya general-polkovnigi K. Qosimov boshchiligidagi har ikkala mamlakat IIV delegatsiyalarining uchrashuvi boʻlib oʻtdi.

montajnaya komnata televizionnogo kompleksa - Sputnik Oʻzbekiston
Oʻzbekiston va Qozogʻiston yagona axborot maydoni yaratishni rejalashtirmoqda

Oʻzbekiston va Qozogʻiston ichki ishlar vazirlari ikki mamlakat huquq-tartibot posbonlari yaqin hamkorligi, oʻzaro tajriba almashish, birgalikda maxsus operatsiyalar oʻtkazish, muntazam axborot almashish doimo diqqat markazida boʻlishi lozimligini, bu boradagi hamkorlikni yanada rivojlantirish va mustahkamlash zarurligini taʼkidladilar.

Jinoyatchilikka qarshi kurashish sohasida Oʻzbekiston va Qozogʻiston ichki ishlar organlarining oʻzaro hamkorligini mustahkamlash, birgalikda tezkor-qidiruv tadbirlari oʻtkazish, terrorizm va ekstremizm koʻrinishlarining oldini olish borasida ikkala mamlakat Ichki ishlar vazirliklarining hamkorligi muloqotning asosiy mavzusi boʻldi.

Tomonlar "Qozogʻiston Respublikasi Ichki ishlar vazirligining va Oʻzbekiston Respublikasi Ichki ishlar vazirligining muvofiqlashtiruvchi guruhini tuzish toʻgʻrisida"gi qoʻshma buyruqni imzoladilar, shuningdek boshqa dolzarb masalalarni ham muhokama qilib, hamkorlikning istiqbolli yoʻnalishlarini belgilab oldilar. 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala