TOShKENT, 15-may — Sputnik. Anqara Isroilning 50dan ziyod falastinliklar halokatiga sababchi bo‘lgan G‘azo sektoridagi harakatlari tufayli Vashington va Tel-Avivdagi o‘z elchilarini maslahatlashish maqsadida chaqirib olishga qaror qildi, deb bayonot qildi Turkiya prezidenti Rajab Toyib Erdo‘g‘on dushanba kuni.
Turkiya yetakchisi Isroilni terrorchi davlat, uning harakatlarini esa — genotsid, deya atadi.
Isroil tashkil topganining 70-yilligi munosabati bilan AQSh prezidenti ushbu mamlakat yubileyiga sovg‘a tariqasida o‘z elchixonasini Tel-Avivdan Quddusga ko‘chirish qarorini qabul qildi. Vashington bu sanaga bag‘ishlangan tadbirni tantana bilan nishonlayotgan bir vaqtda G‘azo sektorida norozilik namoyishlari avjiga chiqdi. Isroil harbiylari norozilik namoyishi ishtirokchilariga qarata ayovsiz o‘t ochdi. So‘nggi ma’lumotlarga ko‘ra, to‘qnashuvlarda 55 falastinlik halok bo‘lgan, 2,7 mingdan ziyodi jarohatlangan. Falastinlik yetakchi Mahmud Abbos uch kunlik motam e’lon qildi. G‘azo sektoridagi vaziyatni bugun seshanba kuni BMT XK muhokama qiladi.
