TOShKENT, 28-may — Sputnik. Namanganda yakshanba kuni, 27-may Namangan Flowers-2018 gullar festivali boshlandi, deb xabar qildi “O‘zbekiston yangiliklari” portali.
Festival har doimdek bir hafta emas, balki bir oy davom etadi.
Ochilish marosimi gullar bilan bezatilgan mashinalar paradi bilan boshlandi. Paradda yengil, yuk mashinalari hamda kombayn ishtirok etdi. Mashinalar aeroportdan Bobur hiyoboniga o‘tishdi.
Bobur hiyobonida noyob va antiqa gullar ko‘rgazmasi tashkil qilindi. Shaharning 100 ortiq gulchilari o‘z ishlarini mehmonlar e’tiboriga havola qilishdi.
Bayramga O‘zbekistondagi Bagladesh elchisi Mosud Mannan rafiqasi bilan tashrif buyurdi.
Bundan tashqari, tadbirda Chelyabinsk viloyatidan delegatsiyasi ishtirok etdi. Ularda festival o‘tkazish tajribasi katta taassurot qoldirdi.
