Mirziyoyev Gʻalabaning 75 yilligiga bagʻishlangan kitob-albom chiqarish taklifini maʼqulladi

© Sputnik / RIA Novosti / Fotobankka oʻtishParad sovetskix voysk v Prage
Parad sovetskix voysk v Prage - Sputnik Oʻzbekiston
Oʻzbekiston prezidenti Shavkat Mirziyoyev Gʻalabaning 73 yilligi munosabati bilan oʻtkazilgan bayram tadbirida Ikkinchi jahon urushida qatnashgan oʻzbekistonlik askarlar haqida kitob-albom tayyorlab nashr etish taklifini bergan edi. Shu bugun kitob-albomni tayyorlash boʻyicha prezident farmoyishi eʼlon qilindi

TOSHKENT, 31 may — Sputnik. Oʻzbekiston prezidentining "Ikkinchi jahon urushida fashizm ustidan qozonilgan gʻalabaga Oʻzbekiston xalqining qoʻshgan munosib hissasiga bagʻishlangan kitob-albomni nashr etish chora-tadbirlari toʻgʻrisida"gi farmoyishi eʼlon qilindi.

"…Ikkinchi jahon urushida fashizm ustidan qozonilgan gʻalabaga Oʻzbekiston xalqining qoʻshgan munosib hissasi hamda ushbu tarixiy voqeaning 2020 yilda nishonlanadigan 75 yilligiga bagʻishlangan kitob-albomni tayyorlash va nashr etish haqidagi taklifi maʼqullansin", — deyilgan hujjat matnida. 

Shuningdek, kitob-albomni tayyorlash va nashr etish ishlarini muvofiqlashtirish boʻyicha tashkiliy qoʻmita tashkil etiladi.

Tashkiliy qoʻmitaning asosiy vazifalari Ikkinchi jahon urushida Oʻzbekiston xalqi koʻrsatgan mardlik va jasorat, el-yurtning gʻalabaga qoʻshgan munosib hissasi haqida tarixiy haqiqatni tiklash va uni kelgusi avlodlarga yetkazish; respublika va xorijiy mamlakatlardagi arxiv va muzeylarda saqlanayotgan mavzuga oid tarixiy hujjatlarni toʻplash va oʻrganish; Ikkinchi jahon urushi davrida frontda qatnashgan va front ortida fidokorona mehnat qilgan yurtdoshlarimizdan ularning xotiralarini yozib olish, shaxsiy albom va kutubxonalarida saqlanayotgan tarixiy materiallarni toʻplashdan iborat boʻladi.

Shuningdek, urush yillarida Oʻzbekistonning iqtisodiy ahvoli, yurtimizga koʻchirib keltirilgan hamda yangi qurilgan zavod va fabrikalar haqida maʼlumotlar yigʻiladi va oʻzbek xalqi tomonidan urush davrida Oʻzbekistonga evakuatsiya qilingan insonlarga, shu jumladan, ota-onasiz bolalarga koʻrsatilgan mehr-muruvvatni, insonparvarlik fazilatlarini aks ettiriladi;

Tashkiliy qoʻmitaga kitob-albomni yuqori saviyada tayyorlash va nashr etish uchun vazirliklar, idoralar, xoʻjalik boshqaruvi organlari rahbarlari va mutaxassislarini, ekspertlarni, shuningdek, Oʻzbekiston Respublikasining xorijiy davlatlardagi diplomatik vakolatxonalari vakillarini jalb etish huquqi beriladi.

Kitob-albomni tayyorlash va nashr etish bilan bogʻliq barcha xarajatlar Oʻzbekiston Respublikasi Vazirlar Mahkamasining zaxira jamgʻarmasi mablagʻlari hisobidan qoplanadi.

Mazkur farmoyishning ijrosini nazorat qilish Oʻzbekiston Bosh vaziri Abdulla Aripov va Oʻzbekiston prezidentining Davlat maslahatchisi Xayriddin Sultonov zimmasiga yuklangan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala