TOShKENT, 6-iyun – Sputnik. Qur’on musobaqasi g‘oliblari Umraga jo‘nab ketdi, deb xabar qilmoqda O‘zbekiston Musulmonlar idorasi matbuot xizmati.
“Bugun, 6-iyun kuni, muqaddas Ramazon oyining 21-kunida erta tongdan Toshkent xalqaro aeroportida Umra ziyoratiga otlangan bir guruh vatandoshlarimizni kuzatish marosimi o‘tkazildi”, - deyilgan xabarda.
Eslatib o‘tamiz, O‘MI biroz oldin Qur’on musobaqasining respublika bosqichi g‘oliblari Umra ziyoratiga ota-onalari va hamrohlari bilan birgalikda borish imkoniyatini qo‘lga kiritganlari haqida ma’lum qilgan edi.
