TOShKENT, 11-iyun — Sputnik. KXDR rahbari Kim Chen In AQSh prezidenti Donald Trampga AQSh-Koreya sammitning ikkinchi raundini iyul oyida Pxenyanda o‘tkazishni taklif qildi, deb xabar qilmoqda RIA Novosti.
Ushbu taklifnoma KXDR Mehnat partiyasi raisi o‘rinbosari Kim Yon Chxol birinchi iyun kuni Donald Trampga bergan maktubida bo‘lgan. Uning aytishiga ko‘ra Shimoliy Koreya ham va AQSh ham oliy darajadagi muzokaralarni davom ettirish niyati borligini bildirishgan.
Kiodo axborot agentligi xabariga ko‘ra, agar muzokaralar muvaffaqiyatli o‘tsa, ularning uchinchi raundi sentabr oyida Vashingtonda bo‘lib o‘tishi mumkin.
Eslatib o‘tamiz, Kim Chen In va Donald Tramp uchrashuvi 12-iyun kuni Singapurda bo‘lib o‘tishi rejalashtirilgan. Ushbu uchrashuv ikki davlat rahbarlarining, 1953-yilda Koreya yarim orolidagi urushdan keyin, tarixda birinchi uchrashuvi bo‘ladi.
Uchrashuv oldidan AQSh ma’muriyati KXDRdan yadro qurolidan to‘liq voz kechinshni talab qilishini, aks holda bosim yanada kuchaytirilishini e’lon qildi. Shimoliy Koreya esa o‘z navbatida, AQSh bilan diplomatik munosabatlar o‘rnatish va sanksiyalarni olib tashlashni talab qilmoqda. Ayni damda ikki mamlakat orasida hatto tinchlik shartnomasi ham imzolanmagan.
