Jamiyat

25 million soʻmgacha boʻlgan kreditlar aholiga garovsiz beriladi

Obuna boʻlish
Yandex newsTelegram
Oilaviy tadbirkorlikni rivojlantirish maqsadida olinayotgan imtiyozli kreditni rasmiylashtirishda ortiqcha qogʻozbozlik va yugur-yugurlar talab etilmaydi.

TOSHKENT, 14 iyun – Sputnik. “Har bir oila – tadbirkor” dasturi doirasida eng kam ish haqining yuz ellik baravarigacha miqdorda boʻlgan kredit mablagʻlari hududlarni ijtimoiy-iqtisodiy rivojlantirish boʻyicha sektorlar rahbarlari va mahalla fuqarolar yigʻini tavsiyanomalari asosida berilishi koʻzda tutilgan. Bu haqda O‘zLiDeP matbuot xizmati maʼlum qildi.

Taʼkidlanishicha, mazkur dastur respublikaning har bir tuman va shahrida, eng avvalo, olis va tabiiy-iqlim sharoiti ogʻir hududlarda istiqomat qilayotgan aholining moddiy sharoitini yaxshilash, turmush sifati va darajasini oshirish maqsadida ishlab chiqilgan.

Prezidentning “Har bir oila – tadbirkor” dasturini amalga oshirish toʻgʻrisida”gi qaroriga muvofiq, oilaviy tadbirkorlikni rivojlantirish maqsadida olinayotgan imtiyozli kreditni rasmiylashtirishda ortiqcha qogʻozbozlik va yugur-yugurlar talab etilmaydi.

Qarorga muvofiq, eng kam ish haqining yuz ellik baravarigacha miqdorda boʻlgan kredit mablagʻlari hududlarni ijtimoiy-iqtisodiy rivojlantirish boʻyicha sektorlar rahbarlari va mahalla fuqarolar yigʻini tavsiyanomalari asosida berilishi koʻzda tutilgan.

Uzbekskaya valyuta - sum - Sputnik Oʻzbekiston
Jamiyat
Andijonda 800 milliard soʻm kredit mablagʻlari aholiga taqsimlanmoqda

Dasturda ilgari tadbirkorlik va daromad keltiradigan mehnat faoliyati bilan shugʻullanmagan aholi qatlamiga tadbirkorlik koʻnikmalarini oʻrgatish va tegishli faoliyat turini tashkil qilishga amaliy yordam koʻrsatishga ham alohida eʼtibor qaratilgan.

Ushbu tashabbus samaradorligini taʼminlash maqsadida tajribali tadbirkorlar endigina biznes bilan shugʻullanishni boshlagan oilalarga biriktiriladi – mini-klasterlar tashkil etiladi. Qishloq va mahallalarda boʻsh turgan yer maydonlarini yangi tashkil etilayotgan oilaviy tadbirkorlik subʼyektlariga hech qanday moneliksiz beriladi.

Dasturga muvofiq, Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining birinchi oʻrinbosarlari rahbarligida “Har bir oila – tadbirkor” dasturi doirasida amalga oshirilayotgan ishlarni muvofiqlashtirish boʻyicha tashkiliy ishchi guruhlar tuzildi.

Dasturga muvofiq tuzilgan Hududiy ishchi guruhlar esa bevosita aholi bilan ishlaydigan guruhdir. Hududiy ishchi guruh har bir oila va xonadonni tadbirkorlik bilan shugʻullanish salohiyati, istak va takliflarni sinchkovlik bilan oʻrganish, ularning tadbirkorlik gʻoyasi va koʻnikmasini rivojlantirish bilan shugʻullanadi.

Bundan tashqari, tadbirkorlikni yoʻlga qoʻyish istagida boʻlgan shaxslarga tijorat banklari tomonidan kredit ajratishni tashkillashtirish, aholining shaxsiy tomorqa yer maydonlaridan samarali foydalanish yuzasidan takliflar berish va ularni amalga oshirish ham Hududiy ishchi guruhlarning vazifasidir.

Yangiliklar lentasi
0