Jamiyat

Shavkat Mirziyoyev Oʻzbekiston yoshlarini tabrikladi

© Pres-slujba prezidenta RUzPrezident Uzbekistana Shavkat Mirziyoyev
Prezident Uzbekistana Shavkat Mirziyoyev - Sputnik Oʻzbekiston
Shavkat Mirziyoyev Oʻzbekiston yoshlarini Respublikada ilk bor nishonlanayotgan Yoshlar kuni bilan tabrikladi.

TOSHKENT, 30 iyun – Sputnik. Oʻzbekiston prezidenti Shavkat Mirziyoyev Oʻzbekiston yoshlarini Respublikada ilk bor nishonlanayotgan Yoshlar kuni bilan tabrikladi.

“Qadrli yoshlar, aziz oʻgʻil-qizlarim!

Sizlarni, sizlarning timsolingizda butun xalqimizni mamlakatimizda birinchi marta nishonlanayotgan qutlugʻ ayyom – Yoshlar kuni bilan chin qalbimdan samimiy muborakbod etaman”, — deyilgan tabrik soʻzining boshlanishida.

Kaxramon Kuranbayev - Sputnik Oʻzbekiston
Siyosat
Yoshlar yetakchisi faqat yutuqlar emas, muammolar ham borligini tan oldi

Prezident tabrik soʻzida yoshlarning demokratik Oʻzbekiston davlatini barpo etishdagi munosib ishtirokini minnatdorlik bilan eʼtirof etgan holda davlat tomonidan ham yoshlarning orzu-intilishlari hamda qobiliyat va salohiyatini roʻyobga chiqarish boʻyicha ulkan ishlar amalga oshirilayotgani qayd etilgan.

Xususan, oʻtgan bir yil davomida Oʻzbekistonda mutlaq yangi tuzilma – Yoshlar ittifoqi taʼsisi etilgani, hamda yoshlar hayotiga bevosita taalluqli boʻlgan 20 dan ziyod qonun, farmon va qarorlar qabul qilingani aytib oʻtilgan.

Ikkinchidan, oʻtgan yil davomida Oʻzbekiston yoshlar ittifoqi tavsiyasi bilan 4 ming 300 ga yaqin yigit-qizlarga 216 milliard soʻm imtiyozli kreditlar berilgani, 184 ming 300 dan ziyod yoshlar ish bilan taʼminlangani qayd etilgan.

Uchinchidan markaziy va mahalliy hukumat rahbarlarning yoshlar bilan muloqotlar olib borishi ijobiy anʼanaga aylanib borayotgani hamda koʻplab yoshlar vazirlik va idoralar, yirik kompaniya va banklar, xoʻjalik birlashmalariga masʼul lavozimlarga tayinlanayotgani ham taʼkidlangan.

Prezident oʻz tabrik soʻzida xorijda yashayotgan yoshlarni ham esga olib oʻtgan.

“Biz – barchamiz, qayerda boʻlmaylik, yagona Oʻzbekiston farzandlari ekanimizni anglab, shu buyuk tuygʻuni eʼzozlab yashasak, albatta kam boʻlmaymiz <…>  

Xorijiy davlatlarda oʻqib, mehnat qilayotgan barcha yurtdoshlarimiz, birinchi navbatda yoshlarimizning bilimi va imkoniyatlarini Vatanimiz ravnaqi yoʻlida birlashtirish biz oʻz oldimizga qoʻygan maqsadlarga toʻla javob beradi”, — deyilgan prezident tabrik soʻzida.

Prezident tabrik soʻzining soʻnggida davlat  tomonidan yoshlar ravnaqi uchun amalga oshirilayotgan siyosat hech ikkilanmasdan davom etishi hamda yoshlar ham bunga javoban oʻz ota-onalari kutayotgan orzu-umidlarini amalga oshirishda davom etishlari kerakligi aytib oʻtilgan.

“Siz, jondan aziz oʻgʻil-qizlarimizdan faqat bitta iltimosimiz, bitta tilagimiz bor: ota-onalaringiz, ustoz-murabbiylaringiz, xalqimizning sizlardan kutayotgan orzu-umidlarini amaliy ishlar bilan roʻyobga chiqarish yoʻlida hormang, charchamang! <…>

Hamisha sogʻ-omon boʻling, aziz farzandlarim!”, — deyilgan prezident tabrik soʻzining soʻngida.

Oʻzbekiston prezidenti Shavkat Mirziyoyevning Yoshlar kuni munosabati bilan eʼlon qilingan tabrik soʻzining toʻliq matni bilan quyida tanishishingiz mumkin.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala