O‘zbekiston tashabbusi bilan Markaziy Osiyo yoshlar Kengashi tuzilmoqda

© SputnikMolodejniy forum v Tashkente
Molodejniy forum v Tashkente - Sputnik O‘zbekiston
Obuna bo‘lish
O‘zbekiston prezidenti Shavkat Mirziyoyev tashabbusi bilan joriy yilning 26-30 iyun kunlari Samarqand va Toshkent shaharlarida ilk bor Markaziy Osiyo Yoshlar Forumi o‘tkazildi

TOShKENT, 2-iyul — Sputnik. O‘zbekistonning Markaziy Osiyo yoshlar Kengashini tuzish to‘g‘risidagi tashabbusini Markaziy Osiyo davlatlari yoshlar masalalari bo‘yicha vazirlik, idora va tashkilotlar qo‘llab-quvvatlashdi, deb xabar qilmoqda Sputnik O‘zbekiston muxbiri.

Prezident Uzbekistana Shavkat Mirziyoyev v Yujnoy Koree - Sputnik O‘zbekiston
O‘zbekiston-2035: Markaziy Osiyo yuragini o‘n yetti yildan so‘ng nima kutmoqda
O‘zbekiston Respublikasi prezidenti Shavkat Mirziyoyev tashabbusi bilan joriy yilning 26-30 iyun kunlari Samarqand va Toshkent shaharlarida ilk bor Markaziy Osiyo Yoshlar Forumi o‘tkazildi. Mazkur forumdan maqsad — Markaziy Osiyo mamlakatlari yoshlarini birlashtirish va ijtimoiy ahamiyatli loyihalar va dasturlarni amalga oshirishda ijtimoiy va gumanitar hamkorlikni faollashtirishdir.

Forumda O‘zbekiston, Qozog‘iston, Qirg‘iziston, Tojikiston, Turkmaniston respublikalarining yoshlar masalalari bo‘yicha faoliyat olib boradigan vazirlik va tashkilotlari rahbar va xodimlari, yetakchi yoshlari, san’at vakillaridan iborat delegatsiya qatnashdi.

Samarqand shahrida bo‘lib o‘tgan forum doirasida fan va ta’lim rivojida yoshlarning o‘rni; Markaziy Osiyo mintaqasida madaniy hamkorlik; Yoshlar turizmi — Markaziy Osiyo mintaqasining rivojlanishida yetakchi kuch yo‘nalishlarda davra suhbatlari tashkil etildi.

Kitoblar - Sputnik O‘zbekiston
O‘zbekistonda fan dasturlari yangidan ishlab chiqiladi
"Fan va ta’lim rivojida yoshlarning o‘rni" mavzuyidagi davra suhbatida O‘zbekiston, Turkmaniston, Qozog‘iston, Tojikiston hamda O‘zbekistondagi Britaniya Kengashi vakillari tomonidan "Oliy ta’lim muassasalarining Markaziy Osiyo mintaqasidagi hamkorligi", "Ta’lim sifatini baholashda talabalarning o‘rni va rolini kuchaytirish", "Mintaqaviy va xalqaro tendensiyalar doirasida oliy ta’limning dolzarbligi va uning sifatini ta’minlash" mavzularida bahs yuritildi.

"Markaziy Osiyo mintaqasida madaniy hamkorlik" mavzuyidagi davra suhbati O‘zbekiston, Tojikiston, Qirg‘iziston davlatlarining madaniyat sohasi mas’ullarining san’at va madaniyat sohasidagi xalqaro hamkorlik masalalariga bag‘ishlandi.

"Yoshlar turizmi — Markaziy Osiyo mintaqasining rivojlanishida yetakchi kuch" mavzuyidagi davra suhbatida esa O‘zbekiston, Turkmaniston, Tojikiston vakillari tomonidanyoshlar turizmi bo‘yicha hamkorlik va muammolar muhokama qilindi.

Davra suhbatlaridan so‘ng,forum yakunlariga bag‘ishlangan Xalqaro press-klub va Yoshlar press-klublari qo‘shma sessiyasi o‘tkazildi.

Flag radikalnoy islamistskoy organizatsii Islamskoe gosudarstvo Iraka i Levanta - Sputnik O‘zbekiston
"Islom davlati" Markaziy Osiyo davlatlariga qanday xavf soladi
30 iyun kuniToshkent shahrida "Terrorizmga olib keluvchi tajovuzkor ekstremizm va radikalizmning oldini olish hamda ularga qarshi kurashishda yoshlarning roli" mavzusidagi xalqaro konferensiya (11-12 iyun kunlari Toshkent va Samarqand shaharlarida o‘tkazilgan) bo‘yicha anjuman tashkil etildi. Unda O‘zbekiston Respublikasining Inson huquqlari bo‘yicha Milliy markazi, O‘zbekiston yoshlar ittifoqi, Oliy Majlis Senati, BMT, YeXHTtashkilotlari vakillariishtirokida Xalqaro konferensiya yakunlari bo‘yicha qabul qilingan tajovuzkor ekstremizm va radikalizmga qarshi kurashishda yoshlar rolini oshirish to‘g‘risidagi Samarqand deklaratsiyasi muhokama qilindi. 

Forum yakunida Markaziy Osiyo yoshlar masalalari bo‘yicha vazirlik va tashkilotlarning 2019-2021 yillarga mo‘ljallangan hamkorlik Dasturi imzolandi. Dasturga ko‘ra, ilm-fan va ta’lim, tadbirkorlik, madaniy-gumanitar, yoshlar turizmi, sport va sog‘lom turmush tarzini targ‘ib qilish sohalarida mintaqaviy hamkorlikni yo‘lga qo‘yishga kelishib olindi.

Ta’lim va fan sohasi bo‘yicha hamkorlik:

— Markaziy Osiyo Yoshlar Forumini o‘tkazish(O‘zbekiston, har yili);

— Markaziy Osiyo mamlakatlari yosh yetakchilarining xalqaro anjumanini o‘tkazish (O‘zbekiston, har yili);

— "Markaziy Osiyo yoshlari: hamkorlik istiqbollari va hamkorlikning yangi manzillari" mavzusida xalqaro ilmiy-amaliy yoshlar anjumanini o‘tkazish(O‘zbekiston, har yili);

— "Central Asia Youth Hackathon" AT-loyihalar xalqaro tanlovini o‘tkazish(Qozog‘iston, har yili);

— Robototexnika bo‘yicha "Central Asia Youth Robot Challenge" Markaziy Osiyo chempionatini o‘tkazish (Qozog‘iston, har yili);

— Markaziy Osiyo mamlakatlari yosh tadbirkorlarining "Startupstan" loyihalar tanlovini tashkil etish (Tojikiston, har yili);

— Markaziy Osiyo mamlakatlari talabalarining sammitini o‘tkazish (O‘zbekiston, har yili);

— Yoshlarni millatlararo va dinlararo hurmat ruhida,ideologiya, terrorizm chaqiruvlari va xavflari, separatizm, ekstremizm, narkosavdo va transchegaraviy jinoyatlarga qarshitarbiyalash bo‘yicha qo‘shma tabirlar o‘tkazish (Markaziy Osiyo Yoshlar Forumida ishtirok etgan mamlakatlarda,har yili).

Tashkent - Sputnik O‘zbekiston
2019 yil O‘zbekistonda Qozog‘iston yili nishonlanadi
Madaniy-gumanitar hamkorlik, hududiy yoshlar turizmini rivojlantirish bo‘yicha hamkorlik:

— "Jash-Bulak" forum-oromgoh tashkil etish(Qirg‘iziston, har yili);

— San’at va madaniyat sohasidagi loyihalarni muhokama qilish va amalga oshirish maqsadida O‘zbekistonda Markaziy Osiyo yoshlarining ijodiy davrasi uchun yagona hamkorlik maydonini (saytni) yaratish (O‘zbekiston);

— Markaziy Osiyo mamlakatlari yosh kinoijodkorlarining «PROlogue» xalqaro kinofestivalida ishtirokini ta’minlash(O‘zbekiston, har yili);

— Markaziy Osiyo yosh ijodkorlarining festivalini o‘tkazish (O‘zbekiston, har yili);

— Markaziy Osiyo Yoshlar Forumi doirasida mamlakatlarning yoshlar turizmi ko‘rgazmasini tashkil etish (O‘zbekiston, har yili);

Turisti v Uzbekistane - Sputnik O‘zbekiston
Mutaxassis: O‘zbekiston turizmdan yiliga 15 mlrd dollar daromad olishi mumkin
— "Yoshlar mehmonnavozligi" loyihasini amalga oshirish (Tojikiston, har yili);
— Markaziy Osiyo mamlakatlariga yoshlar media-turlarini tashkil etish (O‘zbekiston, har yili);
— Madaniy-ko‘ngilochar tadbirlar taqvimini doimiy ravishda shakllantirish va yangilash (O‘zbekiston, har yili);
— Yoshlar orasida kitobxonlikni targ‘ib etish maqsadida Markaziy Osiyo kitob fondini shakllantirish (Qozog‘iston, har yili);
— Chegara hududlarida yoshlar konsolidatsiyasi bo‘yicha tadbirlar o‘tkazish (Qirg‘iziston, har yili);

Sport va sog‘lom turmush tarzini targ‘ib etish bo‘yicha hamkorlik:
— Futbol bo‘yicha Markaziy Osiyo yoshlarining o‘rtoqlik chempionatini o‘tkazish (O‘zbekiston, har yili);
— Havaskorlar o‘rtasida basketbol (stritbol) bo‘yicha Markaziy Osiyo chempionatini o‘tkazish (Qozog‘iston, har yili);
— Markaziy Osiyo mamlakatlari yoshlarining marafonda ishtiroki (Tojikiston, har yili);

Reysovie avtobusi - Sputnik O‘zbekiston
O‘zbekiston va Tojikiston o‘rtasidagi avtobus qatnovi yo‘lga qo‘yilish sanasi ma’lum bo‘ldi
— Yoshlar o‘rtasida sog‘lom turmush tarzini targ‘ib etish bo‘yicha eng yaxshi ijtimoiy loyihalar ko‘rgazmasini tashkil etish (Qozog‘iston, har yili) rejalashtirildi.

Birinchi Markaziy Osiyo Yoshlar Forumi doirasida O‘zbekiston yoshlar ittifoqi Qozog‘istonning "Jas Otan" yoshlar qanoti bilan hamkorlik memorandumini imzoladi.

Forum yakunida esa Markaziy Osiyo Yoshlar Forumi Deklaratsiyasi imzolandi.

Markaziy Osiyo Yoshlar Forumiga O‘zbekiston yoshlar ittifoqining yoshlar simfonik orkestri hamda Markaziy Osiyo mamlakatlari xalqlarining "O‘zbekiston yoshlari kuni"ga bag‘ishlangan qo‘shma konserti yakun yasadi.

Yangiliklar lentasi
0