Hodisalar

Fargʻona viloyatida 7 ming dollar pora soʻragan deputat qoʻlga olindi

© Sputnik / Vitaliy Belousov / Fotobankka oʻtishNaruchniki na dveri kletki
Naruchniki na dveri kletki - Sputnik Oʻzbekiston
Pedagogika institutiga kiritib qoʻyish uchun tovlamachilikda gumonlanayotganlar Beshariq tumanida yashovchi fuqarodan 7 ming dollar soʻrashgan.

TOSHKENT, 12 iyul — Sputnik. Oʻzbekiston DXX xodimlari yetti ming dollar evaziga oʻqishga kiritib qoʻyishga vaʼda bergan Fargʻona viloyatidagi kengashlardan birining deputatini qoʻlga olishdi, deb xabar berdi "Oʻzbekiston 24" kanali.

"Xalq deputatlari Dangʻara kengashi deputati, Qoʻqon davlat pedagogika instituti metodist lavozimida ishlovchi Muhayyo Qodirova abituriyentlarni pul evaziga oliygohga kirishiga yordam berish uchun tanishi Mashhura Abdurahimova bilan jinoiy til biriktirgan", – deyiladi telekanal xabarida.

Pedagogika institutiga kiritib qoʻyish uchun tovlamachilikda gumonlanayotganlar Beshariq tumanida yashovchi fuqarodan 7 ming dollar soʻrashgan. Shu bilan birga yana bir fuqarodan Qoʻqon tibbiyot kollejiga kirishda yordam berishni vaʼda qilgan ayollar 800 dollar talab qilishgan.

Qodirova va Abdurahimova pullarni olayotgan vaqtida qoʻlga olingan. Ularga nisbatan “tovlamachilik” moddasi boʻyicha jinoyat ishi qoʻzgʻatilgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala