Jamiyat

Prezident topshiriqlarini oʻz vaqtida bajarmagan 139 nafar mansabdor javobgarlikka tortildi

© Sputnik / Sergey Subbotin / Fotobankka oʻtishPortfeli
Portfeli - Sputnik Oʻzbekiston
Tekshirishlar natijasiga koʻra, 139 nafar mansabdor shaxslar intizomiy javobgarlikka tortildi hamda qoʻpol qonun buzilish holatlari yuzasidan 4 ta jinoyat ishlari qoʻzgʻatildi.

TOSHKENT, 20 iyul – Sputnik. Bosh prokuratura tarkibidagi Oʻzbekiston Respublikasi Prezidenti qarorlari ijrosi ustidan nazorat boshqarmasi hududlarga chiqqan holda qarorlar ijrosini oʻrgandi. Bu haqda Bosh prokuratura matbuot xizmati xabar berdi.

“Mazkur tekshirishlar davomida asosiy eʼtibor Prezidentning qaror va topshiriqlarini oʻz vaqtida, toʻliq va sifatli ijro etilishiga hamda mansabdor shaxslar tomonidan Prezidentning topshiriqlari talablarini soʻzsiz bajarilishi borasidagi masʼuliyatini yanada kuchaytirishga qaratildi”, - deyiladi xabarda.

Zdaniye Generalnoy prokuraturы Uzbekistana - Sputnik Oʻzbekiston
Iqtisod
Prokuratura bojxona organlarining mansabdor shaxslariga nisbatan jinoyat ishlarini qoʻzgʻatdi

Tekshirishlar natijasiga koʻra, 139 nafar mansabdor shaxslar intizomiy javobgarlikka tortildi hamda qoʻpol qonun buzilish holatlari yuzasidan 4 ta jinoyat ishlari qoʻzgʻatildi.

Shu bilan birga, 125 ta tadbirkorlik subʼyektlariga 99,6 mlrd soʻm va 280,4 mln dollar miqdorida kredit mablagʻlari, tadbirkorlik faoliyati bilan shugʻullanish uchun 858 gektar yer maydoni hamda 111 ta qishloq xoʻjaligi texnika va agregatlari ajratilishi, 26 mlrd soʻm, 1,9 mln dollar va 2,5 mln yevro miqdordagi kredit mablagʻlarining qaytarish muddatini uzaytirishga amaliy yordam koʻrsatildi.

Shuningdek, hududlarni ijtimoiy-iqtisodiy rivojlantirish tadbirlarini amalga oshirish uchun 55,2 mlrd. soʻm miqdoridagi pul mablagʻlari ajratilishi taʼminlandi.

Prezident qarorlarining soʻzsiz ijrosini taʼminlash borasidagi nazorat faoliyati davom etmoqda, deyiladi xabarda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala