Hodisalar

Aktrisa Farangiz Rejametova YTH oqibatida vafot etdi

Obuna boʻlish
Yandex newsTelegram
U Zulfiqor Musoqovning “Oyijon” filmida bosh rolni ijro etgan

TOSHKENT, 21 iyul – Sputnik. Zulfiqor Musoqovning “Oyijon” filmidagi bosh rol ijrochisi, aktrisa Fotima Rejametovaning qizi Farangiz Rejametova (Jamolxonova) 20 iyul kuni yoʻl-transport hodisasi oqibatida vafot etdi. Bu haqda jurnalist Shohira Hamro Facebookdagi sahifasida maʼlum qildi.

“Oʻlim yosh tanlamas ekan. Fojea qachon, qay mahal boshingga kulfat yogʻdirishini bilmas ekansan. Bugun kutilmagan avto falokat hammamiz tanigan, "Oyijon" filmidagi rolidan keyin sevib qolgan isteʼdodli aktrisa, Farangiz Rejemetova(Jamolxonova)ni oramizdan olib ketdi. Bu kun uning hayotiga nuqta qoʻyilgan kun boʻlib qoldi.Bu gaplarni yozayapmanu... Farangizning bolaligidan to shu kunga qadar tanigan, bilgan chogʻlarim koʻz oldimdan oʻtayapti. Biz u bilan oʻtgan hafta xuddi shu kuni Samarqandda, "Saxovat-shou" koʻrsatuvida sʼyomkada edik. U bilan Farangiz hali juda kichkinaligida, Milliy teatr tarkibida, Moskvada ham gastrolda boʻlganmiz. U kichkinaligidanoq juda mustaqil qizaloq edi. Koʻzlarida bir dunyo orzu-umidlar bor edi”, deb yozadi jurnalist.

Shohira Hamroning maʼlum qilishicha, Farangiz Rejametova 21 iyul kuni soat 11:00 da soʻnggi yoʻlga kuzatiladi.

Yangiliklar lentasi
0