Jamiyat

Avtotransport davlat raqamini oʻgʻirlaganlarga qanday jazo beriladi?

© Ministerstvo oboronы RUzNomer avtotrasporta Ministerstva oboronы
Nomer avtotrasporta Ministerstva oboronы - Sputnik Oʻzbekiston
IIV ogohlantiradi: kimda-kim avtomototransport davlat raqamiga shikast yetkazsa yoki oʻgʻirlasa - albatta qonun oldida javob beradi!

TOSHKENT, 26 avg – Sputnik. Avtomototransportlaridagi davlat raqam belgilari daxlsizdir, yaʼni ushbu belgilar fuqaro yoki yuridik shaxsning emas - davlat mulkidir, deyilgan IIV xabarida.

Krasivыe nomera na avtomobil v Uzbekistane - Sputnik Oʻzbekiston
Jamiyat
Jizzaxda 070 avtomobil raqami 7,5 million soʻmga sotib olindi

“Avtomototransportlarga berilgan davlat raqam belgilari fuqaro yoki yuridik shaxslarning shaxsiy mulki emasdir. Davlat raqam belgilari avtomototransportlarga davlat roʻyxatidan oʻtkazilganligi toʻgʻrisida berilgan raqam hisoblanadi. Avtomototransport boshqa shaxsga yoki yuridik shaxsga sotilganida (hadiya qilinganida, oʻtkazilganida) davlat raqam belgilari Yoʻl harakati  xavfsizligi boshqarmasining tegishli boʻlimlariga topshiriladi. Avtotransport vositalarining va ular tirkamalarining (yarim tirkamalarining) davlat raqam belgilarini egallash, nobud qilish, ularga shikast yetkazish yoki ularni yashirganligi uchun Oʻzbekiston Respublikasi Jinoyat kodeksining 227-moddasida jinoiy javobgarlik belgilangan”, - deydi IIV muxbiri, katta serjant Mirzo Ulugʻbek Madalimov.

227-modda: Hujjatlar, shtamplar, muhrlar, blankalarni, avtomototransport vositalarining va ular tirkamalarining (yarim tirkamalarining) davlat raqam belgilarini egallash, nobud qilish, ularga shikast yetkazish yoki ularni yashirish.

Eng kam oylik ish haqining yigirma besh baravarigacha miqdorda jarima yoki uch yuz soatgacha majburiy jamoat ishlari yoxud ikki yilgacha axloq tuzatish ishlari bilan jazolanadi.

Agarda ushbu harakatlar ogʻir oqibatlarga sabab boʻlsa — eng kam oylik ish haqining ellik baravaridan yuz baravarigacha miqdorda jarima yoki uch yuz soatdan uch yuz oltmish soatgacha majburiy jamoat ishlari yoxud ikki yildan uch yilgacha axloq tuzatish ishlari yoki bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi.

Denejnыe kupyurы Uzbekistana - Sputnik Oʻzbekiston
Jamiyat
Samarqandda "777" avtoraqami deyarli 302 mln soʻmga sotib olindi

Misol tariqasida quyidagi holat keltirilgan: Toshkent shahrining Chilonzor tumanida 1 avgust kuni nomaʼlum shaxs Naqqoshlik koʻchasida yashovchi B.Z.ning uyi oldida qarovsiz qoldirilgan “VAZ-21011” rusumli avtomashinaning old va orqa qismidagi davlat raqam belgilarini yechib ketgan. Koʻrilgan choralar natijasida ushbu jinoyatni Yunusobod tumanida yashovchi muqaddam sudlangan S.O. va Shayxontohur tumanida yashovchi E.S.lar sodir etganliklari aniqlanib, ushlanganlar.

Shunga oʻxshash holatlar nafaqat kecha balki oʻtgan vaqt ichida fuqarolar tomonidan bir necha marotaba sodir etilgan. Ushbu munosabat bilan IIV yana bir bor ogohlantiradi: kimda-kim avtomototransportlardagi davlat raqam belgilariga shikast yetkazsa yoki oʻgʻirlasa, albatta qonun oldida javob beradi.  

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala