Jamiyat

Tilanchilik bilan shugʻullanganlarga qamoq jazosi berilishi mumkin

© Sputnik / Natalya SeliverstovaPoproshayka
Poproshayka - Sputnik Oʻzbekiston
Obuna boʻlish
Yandex newsTelegram
Yangi qonun qabul qilinsa, tilanchilik qilganlar 1 yildan 8 yilgacha ozodlikdan mahrum qilinishi mumkin.

TOSHKENT, 4 sen – Sputnik. Oʻzbekistonda tilanchilik bilan shugʻullanganlar jamoat ishlariga yoki qamoq jazosiga mahkum qilinishi mumkin. Bu haqida Normativ-huquqiy hujjatlar loyihalari muhokamasi portalida joylashtirilgan yangi qonun loyihasida aytib oʻtilgan.

Nochnoy klub Aurum 898 - Sputnik Oʻzbekiston
Jamiyat
Tungi klubdagi jinoyat: aslida kim aybdor?

Unda Oʻzbekiston JKning 127-moddasiga bir qator oʻzgarishlar kiritish taklif qilingan.

Xususan, aeroport, vokzal, park, dam olish maskanlari, bozorlar va savdo majmuasi hududlari, shuningdek, ularga tegishli hududlar — avtotransport vositalarini vaqtinchalik saqlash joylari, bekatlar, avtotransport vositalari oʻtadigan yoʻl qismlari, madaniy va maʼnaviy meros obʼyektlari joylashgan hududlar, barcha turdagi jamoat transportlari va boshqa jamoat joylarida faol tarzda pul, oziq-ovqat mahsulotlari va boshqa qimmatbaho buyumlar soʻraydiganlar:

300 soatdan 600 soatgacha jamoat ishlariga jalb qilish yoki 1 yildan 3 yilgacha ozodlikdan cheklash yoki 3 yilgacha ozodlikdan mahrum qilish bilan jazolanadi.

Xuddi shunday harakatlar voyaga yetmagan shaxs ishtirokida yoki undan foydalangan holda, shuningdek, ruhiy xasta, nogironligi bor shaxslar, oʻzini nogiron qilib koʻrsatgan odamlar, yoki majburan narkotik va psixotrop moddalar, alkogol mahsulotlari isteʼmol qilgan, lekin aqliy faoliyatiga putur yetmagan shaxslar tomonidan sodir etilsa - 400-800 soatgacha jamoat ishlariga jalb qilish yoki 3 yildan 5 yilgacha ozodlikdan cheklash yoki 3 yildan 5 yilgacha ozodlikdan mahrum qilish bilan jazolanadi.

Zdaniye Generalnoy prokuraturы Uzbekistana - Sputnik Oʻzbekiston
Iqtisod
Prokuratura bojxona organlarining mansabdor shaxslariga nisbatan jinoyat ishlarini qoʻzgʻatdi

Agar ushbu harakartlar guruh tomonidan, takroran, narkotik moddalar taʼsirida, majburlash yoʻli bilan amalga oshirilsa 5 yildan 8 yilgacha ozodlikdan mahrum qilish bilan jazolanadi.

Undan tashqari Oʻzbekiston Maʼmuriy javobgarlik kodeksning 188-moddasiga ham qoʻshimcha kiritiladi.

Unga koʻra jamoat joylarda tilanchilik qilayotganlar eng kam ish haqining 5 baravaridan 10 baravarigacha miqdorda jarimaga tortish yoki 5 sutkagacha maʼmuriy qamoq bilan jazolanadi.

Xuddi shunday harakatlar voyaga yetmagan, ruhiy xasta, nogiron shahslardan foydalanilgan holda yoki majburan narkotik moddalar taʼsirida amalga oshirilganda - eng kam ish haqining 10 baravaridan 15 baravarigacha miqdorda jarimaga tortish yoki 5 sutkadan 10 sutkagacha maʼmuriy qamoq bilan jazolanadi.

Ayni damda ushbu hujjat loyiha bosqichida. Koʻpchillik tomonidan maʼqullanganidan hamda kelib tushgan taklif va mulohazalar bilan toʻldirilganidan soʻng u tasdiqlanishi mumkin.

Yangiliklar lentasi
0