O‘zbekiston poytaxti Toshkent shahrida, bugun, 22-sentabr kuni "O‘zbekiston sovg‘alari" Birinchi Respublika ko‘rgazma-savdosi o‘z ishini boshladi.
Ushbu tadbir Savdo-sanoat palatasi, Madaniyat vazirligi, Xalq ta’limi vazirligi, Jismoniy tarbiya va sport vazirligi, Badiiy akademiya, Turizmni rivojlantirish davlat qo‘mitasi, Toshkent shahar hokimligi, O‘zbekiston Yoshlar Ittifoqi bilan hamkorlikda o‘tkazilmoqda.
Bojxona qo‘mitasining ma’lumotlariga ko‘ra respublika xududida har yili mahalliy hunarmandlar tomonidan ishlab chiqarilishi mumkin bo‘lgan 500dan ortiq horijiy buyumlar import qilinadi.
Ma’lumki, O‘zbekistonga tashrif buyurayotgan sayyohlar, mehmonlar har bir ziyorat qilgan joylaridan esdalik, yodgorlik sovg‘alarini xarid qiladilar. Bugungi kunda bunday joylarda sotilayotgan yodgorliklarning ma’lum qismi horijdan keltirilgan bo‘lib, O‘zbekiston to‘g‘risida hech qanday taassurot yoki xotira ma’nosini anglatmaydi.
Endilikda O‘zbekistonda bunday esdalik sovg‘alari mahalliy usta-hunarmandlar tomonidan ishlab chiqarilishini yo‘lga qo‘yish va ommalashtirish rejalashtirilmoqda.
Buning uchun avvalambor mamlakatga yelgan mehmonlar hamda sayyohlarning ehtiyojlarini o‘rganish hamda “Usta-shogird” maktablarini rivojlantirish va yangi ish o‘rinlarini yaratish imkonini beradi.
