Toshkentda Mercedes Benz Low Flor avtobuslari reysdan olinmoqda

© GUVD g.TashkentaSgorevshiy avtobus "Mercedes-Benz Low Floor"
Sgorevshiy avtobus Mercedes-Benz Low Floor - Sputnik Oʻzbekiston
Obuna boʻlish
Yandex newsTelegram
Oʻzbekiston poytaxtida avtobus yonib ketishi holatlari koʻpaygan. Bunday holatlarga yoʻl qoʻymaslik uchun hukumat xavfli modellarning ekspluatatsiyasini vaqtincha toʻxtatishga qaror qildi

TOSHKENT, 13 okt - Sputnik. Oʻzbekiston poytaxtida barcha Mercedes Benz Low Flor rusumidagi 2008 yilda ishlab chiqarilgan avtobuslar marshrut yoʻnalishlaridan olib tashlanmoqda, deb xabar qildi Podrobno.uz nashri.

Sgorevshiy avtobus Mercedes-Benz Low Floor - Sputnik Oʻzbekiston
Hodisalar
Toshkentda yana yoʻlovchi avtobusi yonib ketdi

Bunday qaror "Toshshahartransxizmat" rahbariyati tomonidan avtobuslarda yongʻin sodir boʻlishi holatlari koʻpayganligi munosabati bilan qabul qilingan.

Soʻnggi haftada bu markadagi ikkita avtobusda yongʻin sodir boʻlgan.

Yoʻlovchi tashishda xavfsizlikni taʼminlash va bunday holatlarga yoʻl qoʻymaslik maqsadida 2018 yilning 13 oktyabr sanasidan 2008 yilda ishlab chiqarilgan Mercedes Benz Low rusumidagi avtobuslarni reysdan olish haqida qaror qabul qilingan.

Taʼkidlanishicha, ushbu modeldagi avtobuslardagi nosozlik sabablari aniqlanishi davomida boshqa avtobuslar ular oʻrniga chiqishi kutilmoqda.

Ilgariroq, Toshkent yaqin kelajakda avtobus parkini yangilashni rejalashtirayotgani haqida xabar berilgan edi. Bu uchun joriy yil yakuniga qadar gaz yoqilgʻisida ishlaydigan 80 ta yangi MAN avtobuslarini xarid qilishni rejalashtirmoqda. 2019 yilda poytaxt koʻchalarida yana 190ta shu turdagi mashinalar paydo boʻladi. Bundan tashqari, sinov tariqasida shaharda Belarusda ishlab chiqarilgan MAZ bavtobuslari qatnovi yoʻlga qoʻyilgan. Bundan tshqari, hozirda Toshkentga elektrobuslarni joriy etish boʻyicha muzokaralar olib borilmoqda.

Yangiliklar lentasi
0