Analitika

"Xavfsiz shahar" kontseptsiyasi endi Samarqandda ham joriy etilmoqda

© AFP 2018Sotrudniki uzbekskoy militsii
Sotrudniki uzbekskoy militsii - Sputnik Oʻzbekiston
Joriy yil iyul oyidan Toshkent shahrida jamoat tartibini taʼminlash va jinoyatchilikka qarshi kurashish tizimi - "Xavfsiz poytaxt" kontseptsiyasi eksperiment tariqasida joriy etilgan edi. Endi bu tajriba Samarqandda ham amaliyotga qoʻyilmoqda

TOSHKENT, 25 okt - Sputnik, Dilshoda Rahmatova. 2018 yilning iyun oyida Oʻzbekiston prezidenti Toshkent shahrida jamoat tartibini taʼminlash, huquqbuzarliklar profilaktikasi va jinoyatchilikka qarshi kurashish samaradorligini oshirish boʻyicha yangi qarorni imzolagan edi.

Goroda mira. Tashkent - Sputnik Oʻzbekiston
Analitika
Toshkent xavfsiz poytaxt boʻla oladimi?

Hujjatdan xulosa qilish mumkin edi-ki, Oʻzbekiston, xususan, uning poytaxti - Toshkent shahrida xavfsizlik masalasida koʻplab davlatlarga oʻrnak boʻlayotganiga qaramay, hukumatni mavjud vaziyat toʻliq qanoatlantirmayapti.

Shuningdek, qarorda 2018 yil yakuni boʻyicha bunday amaliyot respublikaning boshqa hududlarida joriy etilishi mumkinligi aytilgan edi.

17 oktyabr kuni imzolangan qarorga koʻra, endilikda Samarqand shahrida ham "Xavfsiz shahar" kontseptsiyasini joriy etish koʻzda tutilgan.

"2018 yil 27 iyul kuni Oʻzbekiston Respublikasi prezidenti Shavkat Mirziyoyev rahbarligida oʻtkazilgan videoselektor yigʻilishi talablaridan kelib chiqqan holda Toshkent shahrida boshlangan jinoyatchilikning oldini olish va unga qarshi kurashish boʻyicha yangi tizimni Samarqand shahrida ham joriy etish <...> maqsadga muvofiq deb hisoblanadi", - deyiladi viloyat hokimi tomonidan imzolangan hujjat matnida.

Samarqand viloyati hokimligi matbuot-xizmati shuningdek, viloyatda huquqni muhofaza qilish organlari tomonidan davlat organlari va keng jamoatchilik bilan hamkorlikda amalga oshirilayotgan tadbirlar natijasida jinoyatchilikka qarshi kurashish borasida maʼlum natijalarga erishilgani haqida toʻxtalgan. 

Xususan, 2018 yilning 8 oyi davomida barcha sohalar boʻyicha qayd etilgan jinoyatlar 3010tani tashkil etib, oʻtgan yilgi (4779) koʻrsatkichga nisbatan 1769taga kamaygan.

Samoubiystvo - Sputnik Oʻzbekiston
Jamiyat
Samarqand viloyatida uch oy ichida 91 kishi oʻz joniga qasd qilgan

Shundan, oʻta ogʻir turdagi jinoyatlar 157ta (oʻtgan yil 205ta) boʻlib, 48taga kamaygan. Ogʻir turdagi jinoyatlar esa 404ta qayd etilib, 146taga (505) kamaygan.

Shu bilan birga viloyatdagi 1086ta mahalladan 723tasida (66,5 %ida) 3010ta turli jinoyatlar sodir etilishiga yoʻl qoʻyilgan.

Endilikda, "Jinoyatga qarshi kurashish haqiqati va adolati" deb nomlangan yangi tizimga muvofiq, huquqni muhofaza qiluvchi organlar, mahalla va barcha jamoat tashkilotlari tomonidan sodir etilgan jinoyat va huquqbuzarliklarning sabablari hamda oqibatlari joylarda oʻrganiladi, muhokamasi tashkil etiladi, jinoyat sodir etgan shaxsla aniqlanib, ularga nisbatan qonun ustuvorligi va jazo muqarrarligi taʼminlanadi.

Shu munosabat bilan Viloyat prokurori Farhod Zufarovga, viloyat IIB rahbari Aziz Toshpoʻlatovga Samarqand shahar sektori rahbarlariga Samarqand shahrida "Xavfsiz shahar" kontseptsiyasini amalda tatbiq etish, bu borada sudlar, mahalliy davlat boshqaruvi idoralarining yaqin hamkorligini yoʻlga qoʻyish boʻyicha topshiriqlar berilgan.

Samarqand viloyati iib rahbari Toshpoʻlatovga ichki ishlar organlari, davlat organlari va muassasalarning axborot tizimlarini, videokuzatuv tizimlari, qonun buzilishini qayd etish tizimlari, qoʻriqlash obʼyektlari, yuzaga kelishi mumkin boʻlgan tahdidlarga qarshi chora koʻrish va ogohlantirish tizimlari, shuningdek, noqonuniy xatti-harakatlarning oldini olishga qaratilgan chora-tadbirlarni belgilash vazifasi yuklatilgan.

Endilikda shaharda huquqbuzarliklarning oʻz vaqtida oldini olish va ularga chek qoʻyish maqsadida ichki ishlar organlari boʻlinmalari, birinchi navbatda, jamoat tartibini taʼminlash kuchlarining patrul guruhlari hodisa sodir boʻlgan joyga maksimal tezlikda yetib borishini taʼminlash koʻzda tutilgan.

Xavfsiz shahar kontseptsiyasini Toshkentdan keyin Samarqandda joriy etilishining oʻziga yarasha sababi bor.

Samarqand viloyati respublikadagi eng koʻp oʻta ogʻir jinoyatlar sodir etilayotgan hududlardan biri sanaladi. 

Mazkur tadbirni joriy etishdan maqsad esa Samarqand shahrining turistik jozibadorligini oshirish va bu yerga tashrif buyuruvchi turistlar xavfsizligini toʻliq taʼminlashdan iborat.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala