Hodisalar

Qashqadaryoda YPX xodimlari yoʻlovchilar hujumidan keyin kasalxonaga tushdi

© NewsTeam / Fotobankka oʻtishSotrudniki pravooxranitelnыx organov i "Skoroy pomoщi" na meste proisshestviya
Sotrudniki pravooxranitelnыx organov i Skoroy pomoщi na meste proisshestviya - Sputnik Oʻzbekiston
Inspektorning qonuniy hatti-harakatlariga javoban yoʻlovchilar qattiq qarshilik koʻrsatishgan. Xususan, haydovchining oʻgʻli qoʻliga pichoq olib Koson tumani 11-sonli ichki ishlar boshqarmasiga tegishli "Damas" rusumli avtomashina oynasini sindirib, ballonlariga shikast yetkazgan

TOSHKENT, 5 noya - Sputnik. Qashqadaryoda yoʻl-patrul xizmati xodimlariga hujum uyushtirildi, deb xabar berdi Oʻzbekiston IIV matbuot xizmati.

Na stende marki avtomobiley klassa premium Lexus - Sputnik Oʻzbekiston
Jamiyat
Namanganlik bosar-tusarini bilmay qolgan Leksus mingan ayollar...  

Xabarda aytilishicha, Qashqadaryo viloyati IIB yoʻl harakati xavfsizligi boshqarmasi yoʻl patrul xizmati inspektorlari Koson tumanida xizmat vazifasini bajarayotib, yoʻlda harakatlanayotgan "Kobalt" rusumli avtomobilni toʻxtatib, haydovchidan hujjat soʻrashadi.

Oʻzini Husniddin Toʻraqulovman, deb tanishtirgan shaxs hech qanday hujjatlari yoʻqligini aytadi. 

Inspektorlar ushbu holat yuzasidan maʼmuriy bayonnoma rasmiylashtirishadi. Avtomashina shundan soʻng vaqtinchalik jarima maydonchasiga olib borilishi kerak edi. 

Ammo Toʻraqulov va uning yoʻlovchilari: turmush oʻrtogʻi, oʻgʻli va qizi inspektorlarga qarshilik koʻrsatishgan. Xususan, haydovchining oʻgʻli qoʻliga pichoq olib Koson tumani 11-sonli ichki ishlar boshqarmasiga tegishli "Damas" rusumli avtomashina oynasini sindirib, ballonlariga shikast yetkazgan.

Nachalnik GUVD Tashkenta Rustam Djurayev - Sputnik Oʻzbekiston
Jamiyat
Toshkent "bosh militsioneri": Oʻzbekiston ichki ishlar xodimlari fuqarolar hayotini qadrlaydi

Shundan soʻng yoʻlovchilar oʻz avtomashinasiga oʻtirib, voqea joyidan qochib ketishgan. 

"Yoʻlovchi yigitning quyushqondan chiqib ketib, amalga oshirgan qoʻpol harakatlari natijasida kichik serjant J.Yuldashev va safdor I.Qorayevga jarohat yetkazilgan. Ularga kasalxonada tibbiy yordam koʻrsatilgan", - deyiladi xabarda. 

IIV Jamoatchilik va ommaviy axborot vositalari bilan aloqalar boshqarmasi maʼlumotiga koʻra, tezkor choralar natijasida hujum qilgan shaxs va avtomashinada boʻlganlarning barchasi ushlanib, tuman prokuraturasiga topshirildi. 

Ushbu holat yuzasidan surishtiruv ishlari olib borilmoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala