TOShKENT, 13 noya — Sputnik. Xonanda Shahlo Ahmedova “O‘zbekkonsert” davlat muassasasining bir necha bor ogohdantirishiga qaramay “Letnie dojdi” deb nomlangan qo‘shig‘iga ishlangan videoklip ijtimoiy tarmoqlar orqali namoyish etilayotgani uchun litsenziyasidan mahrum qilindi.
“Xonanda Sh.Ahmedovaning “Letnie dojdi” deb nomlangan videoklipida milliy ma’naviyatimizga yot bo‘lgan, tomoshabinlarning e’tiborini jalb etish uchun xalqimiz mentalitetiga zid, sharqona odob-ahloq meyorlariga to‘g‘ri kelmaydigan harakatlardan ham tap tortmay, yigit va qizning ishqiy kechinmalarini ochiq-oshkora ifoda etib, buni andishasizlarcha tasvirga olib keng ommaga namoyish etgan”, - deyilgan “O‘zbekkonsert” davlat muassasi xabarida.
Xabarda aytilishicha, Shahlo Ahmedova Baxtiyor qiziga berilgan litsenziyasi joriy yil 13-noyabr kunidan tugatildi.
