Dunyoda

Selfi AQSH fuqarosini 99 yillik qamoq jazosidan qutqarib qoldi

© CHARLY TRIBALLEAU / AFPMolodыe lyudi delayut selfi na fone zakata
Molodыe lyudi delayut selfi na fone zakata - Sputnik Oʻzbekiston
Obuna boʻlish
Yandex newsTelegram
Prokuratura Kristofer Prekopiyaga 99 yil ozodlikdan mahrum etish jazosi berilishini talab qiladi.

TOSHKENT, 17 noya  — Sputnik. Texas shtatida istiqomat qiluvchi Kristofer Prekopiyaga oʻzi tushgan selfi jinoyat boʻyicha oʻzini aybsiz ekanligini isbotlashga yordam berdi. Bu haqda RIA Novosti KVUE nashriga asosan xabar qildi.

Yoshi yigit oʻzining sobiq qiziga suyuqasd qilishda ayblanayotgan edi. U Kristofer uning uyiga bostirib kirganligi va koʻkrak qismida pichoq bilan xoch rasmini chizib jarohat yetkazganligi haqida politsiyaga ariza bilan murojaat qiladi.

Barcha ayblovlar faqat jabrlangan ayol soʻzlariga asoslanganligiga qaramasdan, Prekopiya shu kecha oilasi bilan boʻlganligini taʼkidlaydi. Ammo u hibsga olinadi.

Adolf Gitler - Sputnik Oʻzbekiston
Dunyoda
AQSH razvedkasi Gitlerning jinsiy hayoti haqidagi maxfiy maʼlumotni oshkor etdi

Prokuratura unga 99 yil ozodlikdan mahrum etish jazosi berilishini talab qildi. Keyinchalik yigitning yaqinlari uni 150 ming dollar garov evaziga qoʻyib yuborilishiga muvaffaq boʻlishdi.

Yigitning aybsizligini uning onasi isbotladi. U qizga hujum qilingan kuni ular oilasi bilan voqea joyidan 65 km uzoqlikda joylashgan otelda kechki ovqat qilganligini eslaydi. Shu bilan birga, ular foto-suratga tushib, ijtimoiy tarmoqlarga qoʻyishgan, xususan Kristofer geolokatsiya bilan Facebookda selfi suratini joylashtiradi. Bu fotosurat politsiya xodimlarini shu yigit hodisa yuz bergan vaqtda umuman boshqa joyda boʻlganligiga ishontirdi.

Keyinchalik xafa boʻlgan qiz, sobiq yigitdan qasos olish maqsadida shu voqeani oʻylab topganligi maʼlum boʻldi.

KVUE yozishicha, bu ishda tushunarsiz holatlar juda koʻp. Jumladan, haqiqatda shu qizga hujum qilinganmi, yoki u oʻziga oʻzi jarohat yetkazganmi. Shuningdek, Prekopiyuni shu restoranda koʻrgan guvohlar politsiyani ishontira olmaganligi tushunarsiz holat.

Yangiliklar lentasi
0