TOShKENT, 28 noya – Sputnik. Xivada Ichan qal’a hududida kechayu kunduz ishlaydigan bankomatlarni o‘rnatish boshlandi.
O‘zbekiston Turizmni rivojlantirish davlat qo‘mitasi ma’lumotiga ko‘ra, yanvar oyining oxirigacha shaharda 28 ta qo‘shimcha terminallar paydo bo‘ladi. Bu bankomatlar orqali milliy yoki chet el valyutasini yechib olish mumkin.
Terminallar Visa, Mastercard, American Express, China Union Pay xalqaro to‘lov tizimi bank kartalarini qabul qiladi.
Bankomatlar O‘zbekiston prezidenti Shavkat Mirziyoyevning “2017−2021 yillarda Xiva shahri va Xorazm viloyati sayyohlik salohiyatini kompleks rivojlantirish dasturi to‘g‘risida”gi qaroriga asosan o‘rnatilmoqda.
