TOShKENT, 28 noya - Sputnik. Eronda yaqin kelajakda go‘zallik va plastik jarrohliklar bo‘yicha qonun qabul qilinishi mumkin, qonun chiqaruvchilar tashqi ko‘rinishda "ekstremal" o‘zgarishlarni amalga oshirishni xush ko‘ruvchilarni jazolashni taklif etishmoqda. Sputnik Eron xabariga asosan.
Xush ko‘ruvchilar qatoriga o‘z tashqi ko‘rinishida radikal o‘zgarishlarni amalga oshirishni xohlovchilar kiritilgan - masalan, "elf quloqlari", "mushuk ko‘zlar", "tuya lablar" va "cho‘chqa burun"larni.
Eron parlamenti sud qo‘mitasi vakili Xasan Navro‘ziy jurnalistlarga inson tanasini o‘zgartirish turli dinlarda rad etilishini va aksariyat hollarda ta’qiqlanishini eslatib o‘tdi. Eron go‘zallik olamiga "noislomiy" urf olib kiradigan bu kabi ishlar ixlosmandlarini jazolashni boshlamoqchi. Jazo mamlakat jinoiy kodeksiga muvofiq amalga oshiriladi, ya’ni plastik operatsiyani amalga oshirganlarga 74 darra urilishi yoki u 60 kungacha qamoq jazosini olishi mumkin.
Eron bugungi kunda yaqin sharq davlatlari orasida plastik jarrohlik ko‘rsatishda sifat bo‘yicha yetakchi o‘rinlarda turadi.
