TOShKENT, 30 noya – Sputnik. “Farg‘ona” chegara bojxona posti orqali qo‘shni Qirg‘iziston Respublikasiga chiqib ketayotgan fuqaro A.Z. 34 ming AQSh dollari va 510 turk lirasini yashirgan holda qo‘shni davlatga olib chiqib ketmoqchi bo‘lganida to‘xtatib qolindi, deb xabar qildi Davlat bojxona qo‘mitasi matbuot xizmati.
"Xolislar ishtirokida shaxsiy ko‘rikdan o‘tkazilganda uning egnida bo‘lgan ichki kiyimi ichidan bojxona xodimining og‘zaki so‘rovida ma’lum qilinmagan, naqd 30 ming AQSh dollari mavjudligi oshkor bo‘ldi", - deyilgan xabarda.
Shuningdek, xuquqbuzarning kiyib olgan kurtkasi o‘ng cho‘ntagida 4 ming AQSh dollari va qo‘l sumkasi ichidagi xamonida 510 turk lirasi borligi aniqlandi.
Mazkur holat yuzasidan bojxona tekshiruvlari olib borilmoqda.
