TOShKENT, 9 dek – Sputnik. “Barselona” futbol jamoasi kapitani Lionel Messi 15 million yevroga samolyot sotib oldi, deb xabar qilmoqda Argentina OAVlari.
Xabarda aytilishiga ko‘ra, Messi ushbu samolyotni Ispaniyadan Argentinaga borib kelib turish uchun xarid qilgan. "Gulfstream V" samolyotida 4 ekipaj a’zosi va 16 ta yo‘lovchi olishi mumkin. Xususiy samolyot ichida vanna va ovqatlanish xonalari bor. Ayni damda samolyot Buenos-Ayres shahri aeropakida turibdi.
Messi xohishiga ko‘ra, samolyotning dum qismida uning o‘yin raqami "10" va zinapoyalarida Messining rafiqasi va bolalarining ismlari yozilgan.
Llegó el avión de Leo Messi. pic.twitter.com/BTD6Kn5Gwn
— Urgente24.com (@U24noticias) 7 dekabrya 2018 g.
“Gulfstream V” turdagi samolyotlar Gulfstream Aerospace kompaniyasi tomonidan dastlab 1995-yilda ishlab chiqarila boshlagan. Samolyoti ikkita reaktiv dvigateli bilan jihozlangan bo‘lib, uning uchish uzoqligi 12 000 km, uchish balandligi 16 km gacha yetishi mumkin.
