Hodisalar

DXXga ishga joylashtirib qoʻyishni vaʼda qilgan “soxta polkovnik” qoʻlga olindi

© Sputnik / Yevgeniy Biyatov / Fotobankka oʻtishPrestupnik za reshetkoy
Prestupnik za reshetkoy - Sputnik Oʻzbekiston
Obuna boʻlish
Yandex newsTelegram
Hozirda Mahmaraim Jabborov va Dilshod Roʻzmetovga nisbatan jinoyat ishlari qoʻzgʻatilib, tergov harakatlari olib borilmoqda.

TOSHKENT, 13 dek – Sputnik. DXX xodimlari tomonidan firibgarlik va tovlamachilik bilan shugʻullangan ikki nafar fuqaro qoʻlga olindi, deb xabar berildi "Oʻzbekiston 24" telekanali tomonidan tayyorlangan video lavhada.

Qayd etilishicha, firibgar mahalliy fuqarolardan biriga oʻzini Mudofaa vazirligining maxsus operatsiyalar boʻlimi polkovnigi Maxmaraim Jabborov, deb tanishtirib, kelgusida Davlat xavfsizlik xizmati idoralariga ishga joylashtirib qoʻyishni vaʼda qiladi va buning evaziga sakkiz ming dollar soʻraydi.

Firibgar Qamashi tumanidagi oshxonalarning birida talab qilingan sakkiz ming dollardan teng yarmini olayotgan vaqtda DXX Qashqadaryo viloyati boshqarmasi xodimlari tomonidan qoʻlga olingan.

Tezkor tadbir davomida firibgarning yonidan Oʻzbekiston Mudofaa vazirligi maxsus operatsiyalar boʻlimi, polkovnik Jabborov Mahmaraim Salomovich nomiga berilgan qalbaki xizmat guvohnomasi topilgan.

Xabarda, shuningdek, oʻzini DXX xodimi deya tanishtirib, odamlar ishonchiga kirgan va hokimiyat idoralari bilan bogʻliq muammolarni hal qilib berish evaziga fuqarolarning pulini olish bilan shugʻullangan xivalik 39 yoshli Dilshod Roʻzmetovning ham noqonuniy xatti-harakatlariga chek qoʻyilgani taʼkidlangan.

Aniqlanishicha Dilshod Roʻzmetov bir necha fuqaroga yer uchastkalari ajratib berilishida yordamlashishni vaʼda qilib, ulardan jami 100 ming dollardan ortiq pul olgan.

Hozirda Mahmaraim Jabborov va Dilshod Roʻzmetovga nisbatan Jinoyat Kodeksining 168 va 211-moddalariga asosan jinoyat ishlari qoʻzgʻatilib, tergov harakatlari olib borilmoqda.

Yangiliklar lentasi
0