TOShKENT, 14 dek – Sputnik. O‘zbekistonda ikkita yangi bayram - geologiya sohasi xodimlari kuni va bojxona xizmati xodimlarining kunini nishonlanadi, deb xabar qildi Sputnik O‘zbekiston muxbiri.
Toshkentda o‘n yettinchi yalpi majlisida senatorlar “O‘zbekiston Respublikasi geologiya sohasi xodimlari kunini belgilash to‘g‘risida” Qonunni ko‘rib chiqishdi. Bu sana aprel oyining birinchi yakshanbasida nishonlanadi.
Davlat bojxona xizmati xodimlarining kuni esa 26-yanvar kuni tantana qilinadi.
Shuningdek, Davlat budjeti, davlat maqsadli jamg‘armalarining budjetlari hamda soliq va budjet siyosatining asosiy yo‘nalishlari muhokama etildi.
Bundan avval, “O‘zbekiston Respublikasining ayrim qonun hujjatlariga jamoat tartibini ta’minlash mexanizmlarini takomillashtirishga qaratilgan o‘zgartish va qo‘shimchalar kiritish to‘g‘risida”gi Qonun ma’qullanganligi haqida xabar bergandik.
