TOShKENT, 16 dek – Sputnik. Toshkent shahar hokimligi tashabbusi bilan poytaxt bozorlarida bayram oldi yarmarkalari tashkil etildi, deb xabar qilmoqda hokimiyat matbuot xizmati.
“Joriy yilning 15-dekabridan boshlab Qo‘yliq, Qora-qamish, Yunusobod, Eski juva, Farhod, Oloy, Askiya, Aviasozlar dehqon bozorlarida bayramoldi savdo yarmarkalari tashkil etildi, - deyilgan xabarda.
Ushbu yarmarkalarda aholi uchun arzonlashtirilgan narxlarda mahsulotlar sotilmoqda. Yangi yil olididan tashkil etilayotgan bu kabi yarmarkalardan hamshaharlarimiz va shahrimiz mehmonlari mamnun bo‘lmoqdalar, deyilgan xabarda.
