Jamiyat

Rossiya fuqaroligini olgan xorijliklar soni ortmoqda

© SputnikPasport RF
Pasport RF - Sputnik Oʻzbekiston
Obuna boʻlish
Yandex newsTelegram
Rossiya fuqaroligini olgan shaxslar soni ortdi. Biroq migratsiya roʻyxatidan oʻtgan shaxslar soni oʻtgan yilga nisbatan kamaydi.

TOSHKENT, 18 dek – Sputnik. Rossiya fuqaroligini olgan xorijiy fuqarolar yoki fuqaroligi boʻlmagan shaxslar soni shu yilda 4 foizga oʻsdi va 239 mingdan ortiq kishini tashkil qildi. Bu haqda Rossiya IIV matbuot xizmati xabar berdi.

2018 yil yanvar-noyabr oylarida 239 mingdan ortiq kishi Rossiya fuqaroligiga ega boʻldi. Bu koʻrsatgich 2017 yilga nisbatan 4 foizga koʻproq. Chunki oʻtgan yil 229,6 ming kishi Rossiya fuqaroligini olgan edi.

Pasport RF - Sputnik Oʻzbekiston
Migratsiya
Oʻn besh nafar oʻzbekistonlik Rossiya fuqaroligini oldi

2018 yilda qariyb 16,5 million kishi migratsiya roʻyxatiga qoʻyilgan. Bu koʻrsatgich esa oʻtgan yilning shu vaqtiga nisbatan 11,5 foizga kam.

2018 yilda xorijliklarga berilgan vizalar soni ham oshdi. Yanvardan noyabr oyigacha boʻlgan vaqt mobaynida xorijiy fuqarolar yoki fuqaroligi boʻlmagan shaxslarga qariyb 282 mingta viza berilgan. Ushbu koʻrsatgich 2017 yilning shu vaqtida qariyb 274 mingtaga yetgan edi.

RIA Novosti xabariga koʻra, Migrantlar federatsiyasi Rossiyaga asosan MDH fuqarolari kelishini maʼlum qilgan. Oʻzbekiston, Tojikiston, Qirgʻiziston va Ukraina fuqarolari Rossiyaga kelishi boʻyicha yetakchilik qilishadi.

Yangiliklar lentasi
0