TOShKENT, 23 dek – Sputnik. Checheniston rahbari Ramzan Qodirov jurnalistlarga bergan intervyuda o‘zini Rossiya prezidenti lavozimida ko‘rmayotganini ma’lum qildi, deb xabar qildi RIA Novosti.
Uning so‘zlariga ko‘ra, u hatto federal vazirlikka rahbarlik qilmaydi va o‘z karyerasini Checheniston rahbari sifatida yakunlamoqchi.
“Albatta yo‘q. Men hattoki hukumatdagi biron eng yengil vazirlikka rahbar bo‘ladigan darajadagi inson emasman. Men mintaqa (Checheniston Respublikasi - tah.) rahbari sifatida karyeramni tugatishni istayman”, - dedi Qodirov.
Qodirov Vladimir Putin o‘zini davomchisi deb aytgan inson ortidan ergashishga tayyor ekanligini aytdi.
“Putin kimni aytsa, uning ortidan boraman. Putinning so‘zi men uchun qonundan ustun. Men undan hayotim uchun qarzdorman”, - dedi u.
Checheniston rahbari Putinning har qanday buyrug‘ini 100 foizga bajarishini ma’lum qildi.
