TOShKENT, 30 dek – Sputnik. Rossiya prezidenti Vladimir Putin Yangi yil bayrami va yanvar oyida bo‘ladigan ta’til kunlari uchun alohida reja tuzmaganligini aytdi. Davlat rahbari dam olish kunlarini Moskvada o‘tkazmoqchi - Putin xokkey o‘ynab, chang‘i uchishni istashini ma’lum qildi.
"Alohida rejalarim yo‘q, shu yerda, Moskvada bo‘laman. Keyin ko‘ramiz, balki xokkey o‘ynarman, chang‘i ucharman, ko‘ramiz", - dedi davlat rahbari "Rossiya 24" telekanaliga bergan intervyusida.
Sal oldinroq RF prezidenti matbuot-kotibi Dmitriy Peskov Rossiya yetakchisi Yangi yilni yaqinlari va tanishlari davrasida o‘tkazishni rejalashtirayotgani haqida xabar qilgan edi.
Umuman olganda, Putin sportning har qanday turiga qiziqishi kuchli ekanligini kuzatish mumkin. Rossiya yetakchisi bu orqali o‘z vatandoshlarida faol hayot tarziga muhabbat uyg‘onishini xohlaydi.
