TOShKENT, 6 yanv — Sputnik. Davlat statistika qo‘mitasi viloyat markaziy dehqon bozorlarida ayrim turdagi oziq-ovqat mahsulotlarning minimal-maksimal narxlari to‘g‘risida ma’lumotni e’lon qildi.
Unga ko‘ra, mol go‘shti eng qimmat narxi Chirchiq shahrida 52 ming so‘m, eng arzoni Nukusda 26 ming so‘m ekanligi ma’lum bo‘ldi.
Qo‘y go‘shtining narxi esa eng qimmati Toshkentda - 46,6 ming so‘m, eng arzoni Jizzaxda - 28 ming so‘m.
Kutilgani kabi Toshkent shahrida kartoshka, piyoz, sabzi, tuxum va guruchning narxi maksimal narxi bo‘yicha yetakchilik qildi. Ushbu mahsulotlarning eng arzon narxi Namangan, Andijon va Gulistonda.
