Jamiyat

Profilaktika inspektorlarining yordamchilari faoliyatiga doir qaror loyihasi tayyorlandi

Hujjat loyihasiga profilaktika inspektorlarining yordamchilari faoliyatini tashkil etish tartibi toʻgʻrisidagi nizom ilova qilingan.

TOSHKENT, 6 yanv  — Sputnik. “Ichki ishlar organlari tayanch punkti profilaktika (katta) inspektorlarining yordamchilari faoliyatini tashkil etish toʻgʻrisida”gi hukumat qarori muhokamaga qoʻyildi.

Sotrudniki organov vnutrennix del Uzbekistana - Sputnik Oʻzbekiston
Video
IIV ichki ishlar xodimlari kuniga bagʻishlab video suratga oldi

“Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashining tugatilgan “Mahalla posboni” jamoatchilik tuzilmalari rahbarlarining 9 002 nafar shtat birligini Oʻzbekiston Respublikasi Ichki ishlar vazirligiga oʻtkazish toʻgʻrisidagi taklifiga rozilik berilsin”, - deyilgan qaror loyihasida.

Shuningdek, hujjatga profilaktika inspektorlarining yordamchilari faoliyatini tashkil etish tartibi toʻgʻrisidagi nizom, profilaktika inspektorlarining yordamchilarini kvota asosida Oʻzbekiston Respublikasi Ichki ishlar vazirligining oliy taʼlim muassasalariga oʻqishga kirishi uchun tavsiyanomalar berish tartibi toʻgʻrisidagi nizom hamda profilaktika inspektorlari yordamchilarining mehnatiga haq toʻlash tartibi toʻgʻrisida nizom ilova qilingan.

Nizomda profilaktika inspektorlari yordamchilarining asosiy vazifalari qayd etilgan. Masalan,  tegishli hududda xavfsizlikni va jamoat tartibini saqlash, fuqarolar ogohligini oshirish, tinchlik va barqarorlikni taʼminlashda ichki ishlar organlariga koʻmaklashish; biriktirilgan hududida ijtimoiy-maʼnaviy muhitni sogʻlomlashtirish, huquqbuzarliklarning barvaqt oldini olish, aholi oʻrtasida profilaktik targʻibot tadbirlarini oʻtkazishda ishtirok etish; fuqarolarda, ayniqsa voyaga yetmaganlar va yoshlarda huquqiy madaniyatni yuksaltirish, fuqarolar yigʻinlarida huquqiy targʻibot ishlarini tizimli amalga oshirish.

Sotrudniki organov vnutrennix del Uzbekistana - Sputnik Oʻzbekiston
Jamiyat
Shavkat Mirziyoyev bir guruh ichki ishlar xodimlarini mukofotladi

Profilaktika inspektorlarining yordamchilari mehnatiga haq toʻlash turlari:

- egallab turgan shtat lavozimi boʻyicha oylik maoshini tashkil etuvchi amal maoshidan;

- mehnatiga haq toʻlashning oylik qoʻshimcha turlari, bir yoʻla toʻlov hamda Oʻzbekiston Respublikasi qonunchiligida belgilangan va nizom bilan oʻrnatilgan ustama va toʻlovlardan iborat.

“Ichki ishlar organlari profilaktika inspektorlarining yordamchilariga ragʻbatlantirish koefitsenti sifatida oylik lavozim maoshining 20 foizi miqdorida ustama toʻlanadi.

Ichki ishlar organlari profilaktika inspektorlarining yordamchilariga alohida mehnat sharoitlari uchun oylik lavozim maoshining 12 foizi miqdorida oylik ustama haqi toʻlanadi”, - deb yozilgan loyihada.

Qaror loyihasi 21 yanvargacha muhokama qilinadi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala