Jamiyat

Xalq qabulxonalari xodimlari uchun malaka oshirish kurslari boshlandi

© Gruppa "Dialog s narodom"Rabotniki "Narodnыx priyemnыx" massovo privlekayutsya na povыsheniye kvalifikatsii
Rabotniki Narodnыx priyemnыx massovo privlekayutsya na povыsheniye kvalifikatsii - Sputnik Oʻzbekiston
Malaka oshirish kurslarida aholi muammolari bilan ishlash tizimi va uyma-uy yurish, ijtimoiy va boshqa obʼyektlarni oʻrganish tartibi, "Hudud" axborot tizimini qoʻllash choralari kabi turli mavzular keng oʻrganilmoqda.

TOSHKENT, 26 fev - Sputnik. Oʻzbekistonda Xalq qabulxonalari xodimlari uchun maxsus malaka oshirish kurslari tashkil etildi. Tadbir Oʻzbekiston prezidenti huzuridagi Davlat boshqaruvi akademiyasi bilan hamkorlikda amalga oshirilmoqda, deb xabar qilmoqda Sputnik Oʻzbekiston muxbiri. 

Narodnaya priyemnaya prezidenta Uzbekistana - Sputnik Oʻzbekiston
Xalq qabulxonalari qay tarzda xonadonlarga kirib bormoqchi?

Eslatib oʻtamiz, Oʻzbekiston prezidentining "Aholi muammolari bilan ishlash tizimini yanada takomillashtirish chora-tadbirlari toʻgʻrisida"gi farmoni bilan aholi muammolari bilan ishlash tizimida yangi sifat bosqichi boshlandi. Mazkur hujjatga muvofiq 2019 yil 1 fevraldan Xalq qabulxonalarining aholi murojaatlari bilan ishlash boʻyicha amaldagi tizimi bilan bir qatorda Xalq qabulxonalarining muammolarni uyma-uy yurish orqali aniqlash va hal qilishini, davlat organlarining aholi bilan bevosita ishlashini nazarda tutuvchi yangi tizim joriy qilindi.

Malaka oshirish kurslari 5 kunlik oʻquv-amaliy mashgʻulotlaridan iborat boʻlib, unda Prezident Administratsiyasining masʼul xodimlari, Qoraqalpogʻiston Respublikasi, Toshkent shahri va viloyatlardagi barcha Xalq qabulxonalarining mudirlari 10 ta guruhga boʻlingan holda oʻz bilim va malakasini oshirmoqda.

Malaka oshirish kurslarida Mirziyoyevning Oliy Majlisga Murojaatnomasi mazmun-mohiyati, aholi muammolari bilan ishlash tizimini va hududlarni kompleks ijtimoiy-iqtisodiy rivojlantirish boʻyicha sektorlar faoliyatini yanada takomillashtirish masalalari, uyma-uy yurish, ijtimoiy va boshqa obʼyektlarni oʻrganish tartibi, "Hudud" axborot tizimini qoʻllash choralari kabi turli mavzular keng oʻrganilmoqda.

Mashgʻulotlarda "aqliy hujum", kichik guruhlarda ishlash, jamoaviy muhokama, taqdimot kabi interfaol usullardan foydalanishga aohida eʼtibor qaratilmoqda.

Bundan tashqari, ishchi guruh – jamoani shakllantirish va uning samarali ishlashini tashkil qilish, taym-menejmentni amalda qoʻllash – har bir soniyadan unumli foydalanish, aholi muammolari bilan ishlash uchun har tomonlama kuchli tayyorlanish, aholi bilan samarali muloqotni yoʻlga qoʻyish usullari kabi mavzularga ham alohida eʼtibor qaratilmoqda.

Narodnaya priyemnaya - Sputnik Oʻzbekiston
Xalq qabulxonalari oʻzbekistonliklar muammolarini uyma-uy yurib hal qiladi

Malaka oshirish kursining ilk mashgʻulotida bundan buyon davlat organlari Xalq qabulxonalari boshchiligida oʻzlari masʼul boʻlgan hududlarda mahallama-mahalla, koʻchama-koʻcha, uyma-uy yurib, har bir xonadon, har bir oila muammolarini oʻrganib, ularni hal qilish choralarini koʻradi.

Davlat boshqaruvi akademiyasida tashkil etilgan malaka oshirish kurslari tinglovchilari Olmazor tumani 3 sektor shtabida ishlarning tashkil etilishi yuzasidan sayyor amaliy seminarda ham ishtirok etdilar. Seminarda aholi murojaatlari bilan ishlashning sektorlarda yoʻlga qoʻyilgan vertikal mexanizmi, eng chekka hududlarda uyma-uy yurib, aholi muammolarini oʻrganish, hududlarda aniqlangan muammolarni hal qilish boʻyicha ishlarni tashkil qilish kabi mavzular Olmazor tumani 3-sektor shtabi faoliyati misolida oʻrganildi.

Malaka oshirish kurslaridan asosiy maqsad esa – aholi muammolarini toʻliq qamrab olish, ularga tezkor, samarali va hayotiy yechim topish, xalq oʻz hayotida ijobiy oʻzgarishlarni ertaga emas, uzoq kelajakda emas, aynan bugun koʻrishiga erishishdan iborat.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala