TOShKENT, 31 yanv – Sputnik. Toshkentda o‘z farzandini sotayogan fuqarolar qo‘lga olindi. Bu haqda Bosh prokuratura matbuot xizmatining telegram-kanali xabar qildi.
Xabarda aytilishicha, Bosh prokuratura huzuridagi Departamentning Toshkent shahar boshqarmasi tomonidan IIB xodimlari bilan hamkorlikda o‘tkazilgan tezkor tadbirda, fuqarolar P.G. va G.P.lar o‘zlarining 3 oylik o‘g‘il farzandi M.ni fuqaro N.I.ga Mirzo Ulug‘bek tumani, A.Yugnakiy mavzesida 300 dollarga sotayotgan vaqtida ashyoviy dalillar bilan ushlangan.
Mazkur holat yuzasidan jinoyatchilarga nisbatan O‘zbekiston Jinoyat kodeksining 135-moddasi 3-qismi “a” bandi bilan jinoyat ishi qo‘zg‘atilgan.
Hozirda tergov harakatlari o‘tkazilmoqda.
Eslatib o‘tamiz, avvalroq Toshkentda besh yoshli bolasini sotgan fuqaro qo‘lga olingani haqida xabar bergandik.
