TOShKENT, 7 fev – Sputnik. Birlashgan Arab Amirligidan kelgan investorlar Mo‘ynoqda kazino ochish bo‘yicha loyihalarni taqdim etishdi.
“Hozirgi vaqtda investorlar tomonidan Mo‘ynoqda kazino qurish bo‘yicha loyihalar taqdim etilgan. Bosh prokuratura tegishli vazirlik va idoralar bilan hamkorlikda bu takliflarni o‘rganmoqda”, - deb ta’kidladi Bosh prokuratura OAV bilan ishlash bo‘limi boshlig‘i Surayyo Raxmonova Sputnik muxbiriga.
Vazirlar Mahkamasi qaroriga muvofiq Mo‘ynoq tumanini investitsiya, zamonaviy texnologiya va innovatsion markazga aylashtirish mo‘ljallangan.
U yerda innovatsion maktab, sport inshootlari, davolash muassasalari, zamonaviy aerodrom, mehmonxona va savdo-ko‘ngil ochar majmualarini barpo qilish rejalashtirilgan.
