TOShKENT, 16 fev — Sputnik. AQSh prezidenti Donald Tramp 15-fevral kuni Meksika bilan chegarasida holat yuzasidan mamlakatda favqulodda holat e’lon qilish haqida farmon imzoladi.
Bu haqda Senat a’zolariga yo‘llangan prezident maktubini Wall Street Journal gazetasi e’lon qildi.
Favqulodda holat e’lon qilinishi Kongress tasdig‘isiz chegarada devor qurish uchun 8 milliard dollar olish imkoniyatini beradi.
Bundan avval Tramp 450 km uzunlikdagi devorni qurish uchun 5,7 milliard dollar ajratilishini talab qilgandi. Kongress devor qurishni samarasizligi va ko‘p harajatli ekanligini bildirgandi.
President @realDonaldTrump signs the Declaration for a National Emergency to address the national security and humanitarian crisis at the Southern Border. pic.twitter.com/0bUhudtwvS
— Sarah Sanders (@PressSec) 15 fevralya 2019 g.
Endi favqulodda holat Trampga Kongress ruxsatisiz Adliya vazirligi va Pentagon budjetidan mablag‘ olish imkonini beradi.
Prezident favqulodda holat e’lon qilishi to‘g‘risida axborotni bosh kotib Sara Sanders Twitterda ma’lum qildi. Biroq imzolash jarayonida an’anaga muvofiq OAV vakillari taklif etilmadi.
