Dunyoda

“Rezina” tuxum mojarosi: Endi Oʻzbekistonda ham topildimi? – video

© Sputnik / Aleksandr Kondratyuk / Fotobankka oʻtishKurinыe yaytsa na ptitsefabrike
Kurinыe yaytsa na ptitsefabrike - Sputnik Oʻzbekiston
Ijtimoiy tarmoqlarda yangi video tarqaldi. Videoda Toshkentda istiqomat qiluvchi fuqaro Oʻzbekistonga “rezina” tuxum kirib kelganini maʼlum qiladi.

TOSHKENT, 22 fev — Sputnik. Ijtimoiy tarmoqlarda yangi video tarqaldi. Videoda erkak kishi oʻzbek tilida Oʻzbekistonga “rezina” tuxum kirib kelganini maʼlum qiladi.

“Xitoy tuxumlari chiqqan deyishgan edi. Qaranglar, mana endi Oʻzbekistonga ham kirib kelibdi. Bu “Oʻrikzor” bozoridan olingan tuxum. Hozir uni kesib koʻraman, tuxum sarigʻi rezinaga, koptokka oʻxshaydi. Ehtiyot boʻlinglar, Toshkentga ham kirib kelibdi”, - deya izohlaydi video muallifi.

Qoʻliga tuxum sarigʻini olganda , u koptokka oʻxshab dumalab ketadi.

Eslatib oʻtamiz, 18 fevral kuni Internetda Qirgʻizistonda “rezina” tuxum paydo boʻlganligi haqidagi xabar qizgʻin muhokama qilindi. Qirgʻiziston fuqarosining soʻzlariga koʻra, pishirilgan tuxum sarigʻi “rezina” boʻlib chiqadi. Uning fikriga koʻra, bu tuxumlar Xitoyda ishlab chiqarilgan. Sputnik Qirgʻiziston agentligi ushbu masala yuzasidan Qirgʻiziston parrandachilik uyushmasi raisi Rustam Osmonaliyevga murojaat qildi. Osmonaliyev uyushmaga bir necha marta kelib chiqishi nomaʼlum va sifati qoniqarsiz boʻlgan tuxumlar Oʻzbekiston hududidan kelayotganligi haqida xabar berilgani haqida maʼlum qiladi.

“Rezina” tuxum sotish boshlandimi – qirgʻizistonlik ekspertning javobi

Sputnik Oʻzbekiston agentligi esa oʻz oʻrnida ushbu holatga oydinlik kiritish maqsadida Oʻzbekiston Veterinariya qoʻmitasiga murojaat qildi. Qoʻmitada bu ayblovlarni rad etishdi. Oʻzbekistondan tuxum Afgʻoniston, Tojikiston va Eronga eksport qilinishi, shuningdek, Oʻzbekistondan Qirgʻizistonga faqat kombikorm, qurt va biogumus oʻgʻit eksport qilinishini maʼlum qilingan edi.

Oʻzbekiston Qirgʻizistonga "rezina" tuxum yetkazib berilgani haqidagi xabarni rad etdi

19 fevral kuni Qirgʻiziston Veterinariya va fitosanitariya boʻyicha davlat inspektsiya rahbari Kalisbek Jumakanov qizgʻin bahsga sabab boʻlgan “rezina” tuxumlar Oʻsh shahriga Issiqkoʻl viloyatidan keltirilgani aniqlangani va mahsulot tarkibini aniqlash maqsadida uni laboratoriyaga topshirlaganini maʼlum qilgan edi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala